ന്യൂഡല്ഹി : മുതിര്ന്ന കോണ്ഗ്രസ് നേതാവും രാജസ്ഥാന് മുന് മന്ത്രിയുമായ ഭന്വാര് ലാല് ശര്മ (77) അന്തരിച്ചു. ജയ്പൂരിലെ എസ്.എം.എച്ച് ആശുപത്രിയിലായിരുന്നു അന്ത്യം. നിലവില് സര്ദാര്ഷഹറില് നിന്നുള്ള എം.എല്.എ ആണ്. 1945 ഏപ്രില് 17 രാജസ്ഥാനിലെ ചുരു ജില്ലയിലാണ് ഭന്വാര് ലാല് ശര്മ ജനിച്ചത്. 17ാംവയസിലാണ് രാഷ്ട്രീയ പ്രവേശനം. 1985ല് ലോക് ദള് സ്ഥാനാര്ഥിയായി മത്സരിച്ച് എം.എല്.എ ആയി. പിന്നീട് ജനതാദള് പാര്ട്ടിയില് ചേര്ന്നു. 1990ല് വീണ്ടും എം.എല്.എ ആയി തെരഞ്ഞെടുക്കപ്പെട്ടു. തുടര്ന്ന് കോണ്ഗ്രസില് ചേരുകയും 1998, 2003, 2018 തെരഞ്ഞെടുപ്പില് മത്സരിക്കുകയും ചെയ്തു. നിര്യാണത്തില് രാജസ്ഥാന് മുഖ്യമന്ത്രി അശോക് ഗെഹ്ലോട്ട് അനുശോചിച്ചു.
