മാനന്തവാടി : തോല്പെട്ടി എക്സൈസ് ചെക്ക് പോസ്റ്റില് നടന്ന വാഹന പരിശോധനയില് ബസ് യാത്രക്കാരനില്നിന്ന് അരക്കോടിയുടെ കണക്കില്പ്പെടാത്ത പണം പിടിച്ചെടുത്തു. ബംഗളൂരുവില്നിന്ന് കോഴിക്കോടേക്ക് പോകുകയായിരുന്ന സ്വകാര്യ ബസിലെ യാത്രക്കാരനായ തമിഴ്നാട് മധുര സ്വദേശി വിജയ്ഭാരതിയില് (40) നിന്നാണ് 50 ലക്ഷം രൂപ എക്സൈസ് പിടിച്ചെടുത്തത്.
ശനിയാഴ്ച രാവിലെ അഞ്ചിന് മാനന്തവാടി എക്സൈസ് സര്ക്കിള് ഇന്സ്പെക്ടര് സജിത്ത് ചന്ദ്രന്റെ നേതൃത്വത്തില് നടന്ന വാഹന പരിശോധനയിലാണ് പണം പിടിച്ചെടുത്തത്. പരിശോധനയില് പ്രിവന്റീവ് ഓഫീസര്ന്മാരായ പി.ആര്. ജിനോഷ്, കെ.എം. ലത്തീഫ്, സിവില് എക്സൈസ് ഓഫീസര്ന്മാരായ എ. ദിപു, എ. അര്ജുന്, ഇ. സാലി, പി.വി. വിപിന് കുമാര്, വനിത സിവില് എക്സൈസ് ഓഫീസര് ജെ.വി. പ്രവീജ എന്നിവ൪ പങ്കെടുത്തു.
