കോട്ടയം : ബിവറേജസ് കോര്പ്പറേഷന്റെ ഹോളോഗ്രാം സ്റ്റിക്കര് പതിക്കാത്ത ഏഴ് കുപ്പി അനധികൃത ബിയറുമായി അയര്ക്കുന്നം വെയര്ഹൗസിലെ ചുമട്ടുതൊഴിലാളിയെ എക്സൈസ് പിടികൂടി. പുന്നത്തുറ കല്ലുവെട്ട് കുഴിയില് ബൈജുവിനെയാണ് അറസ്റ്റ് ചെയ്തത്. ജോലിക്ക് ശേഷം മടങ്ങിയിരുന്ന പ്രതി ജീവനക്കാര് അറിയാതെ ബിയര് കുപ്പികള് കടത്തിക്കൊണ്ടു വരികയായിരുന്നു. പൊതുപണിമുടക്ക് ദിവസം ആവശ്യക്കാര്ക്ക് 400 രൂപ നിരക്കിലാണ് ഇയാള് മദ്യം വില്പന നടത്തിയിരുന്നത്. ഡെപ്യൂട്ടി എക്സൈസ് കമ്മീഷണര് ടി.എ അശോക് കുമാറിന്റെ നിര്ദ്ദേശാനുസരണം പാമ്പാടി എക്സൈസ് റേഞ്ച് ടീമും എക്സൈസ് ഇന്റലിജന്സ് ബ്യൂറോ ടീമും ചേര്ന്നാണ് പരിശോധന നടത്തിയത്.
