തിരുവനന്തപുരം : സംസ്ഥാന സര്ക്കാരിന് ഏല്ക്കുന്ന ആദ്യ പ്രഹരമാകും തൃക്കാക്കര ഉപതെരഞ്ഞെടുപ്പ്. തൃക്കാക്കരയില് പി.ടി തോമസിന് ഉചിതമായ പിന്ഗാമിയുണ്ടാകുമെന്ന് ബെന്നി ബഹനാന്. രണ്ടാം പിണറായി സര്ക്കാരിന് ഏല്ക്കുന്ന ആദ്യ പ്രഹരമാകും തൃക്കാക്കര ഉപതെരഞ്ഞെടുപ്പ് വിധി. തൃക്കാക്കരയില് യുഡിഎഫ് വിജയം ഉറപ്പാണെന്നും അദ്ദേഹം വ്യക്തമാക്കി. സ്ഥാനാര്ത്ഥി നിര്ണയവുമായി ബന്ധപ്പെട്ട ചര്ച്ചകളിലേക്ക് ഇരു മുന്നണികളും കടന്നിട്ടില്ല. ഉമ തോമസ്, ടോണി ചമ്മണി, ദീപ്തി മേരി വര്ഗീസ്, ഡൊമിനിക് പ്രസന്റേഷന്, വി.ടി ബല്റാം എന്നിവരുടെ പേരുകളാണ് കോണ്ഗ്രസ് ക്യാമ്പുകളില് നിന്നും ഉയര്ന്നു കേള്ക്കുന്നത്. പി.ടി തോമസിന്റെ ചില അടുത്ത സുഹൃത്തുക്കള് പ്രധാനപ്പെട്ട നേതാക്കളോട് ഉമയെ സ്ഥാനാര്ത്ഥിയാക്കുന്നത് ഉചിതമായിരിക്കുമെന്ന് അഭിപ്രായപ്പെട്ടിരുന്നു. ഇങ്ങനെ ചര്ച്ചകള് നടന്നു എന്നതല്ലാതെ തീരുമാനത്തിലേക്ക് കാര്യങ്ങള് എത്തിയിട്ടില്ല.
