തിരുവനന്തപുരം : സംസ്ഥാനത്ത് ഈ മാസം 27ന് ഹര്ത്താല് ആചരിക്കും. ദേശീയ തലത്തില് നടക്കുന്ന ഭാരത് ബന്ദിനോട് അനുബന്ധിച്ചാണ് കേരളത്തില് ഹര്ത്താല്. രാവിലെ ആറ് മുതല് വൈകീട്ട് ആറ് വരെയായിരിക്കും ഹര്ത്താല് എന്ന് സംയുക്ത ട്രേഡ് യൂണിയന് സമിതി അറിയിച്ചു. കര്ഷക സമരം പത്ത് മാസം പിന്നിട്ടിട്ടും പരിഹരിക്കാന് ശ്രമം നടത്താത്ത കേന്ദ്ര സര്ക്കാരിന്റെ നിലപാടിനെതിരെയാണ് ഭാരത് ബന്ദ്. കര്ഷക സംഘടനകളാണ് രാജ്യത്ത് ഭാരത് ബന്ദ് പ്രഖ്യാപിച്ചിരിക്കുന്നത്.
പത്രം, പാല്, ആംബുലന്സ്, മരുന്ന് വിതരണം, ആശുപത്രി സേവനം, വിവാഹം, രോഗികളുടെ സഞ്ചാരം, മറ്റ് അവശ്യ സര്വീസുകള് എന്നിവയെ ഹര്ത്താലില്നിന്ന് ഒഴിവാക്കും. കേന്ദ്ര സര്ക്കാര് നിലപാടിനെതിരെയാണ് ഭാരത് ബന്ദ് സംഘടിപ്പിക്കുന്നത്. രാവിലെ എല്ലാ തെരുവുകളിലും കൊവിഡ് പ്രോട്ടോകോള് പാലിച്ച് പ്രതിഷേധ ശൃംഖല സംഘടിപ്പിക്കും. സെപ്റ്റംബര് 22 ന് പ്രധാന തെരുവുകളില് ജ്വാല തെളിയിച്ച് ഹര്ത്താല് വിളംബരം ചെയ്യും.
