ആലപ്പുഴ : കോണ്ഗ്രസ് നേതാവ് രാഹുല് ഗാന്ധി നയിക്കുന്ന ‘ഭാരത് ജോഡോ യാത്ര’ ആലപ്പുഴ ജില്ലയിലെ പര്യടനം പൂര്ത്തിയാക്കി ഇന്ന് എറണാകുളം ജില്ലയില് പ്രവേശിക്കും. രണ്ട് ദിവസമാണ് എറണാകുളം ജില്ലയിലെ പര്യടനം. ഉച്ചക്ക് രണ്ട് മണിക്ക് കയര് തൊഴിലാളികളുമായി രാഹുല് സംവദിക്കും. സംസ്ഥാനത്ത് ആലപ്പുഴ ജില്ലയിലാണ് ഏറ്റവും കൂടുതല് ദിവസം പദയാത്ര പര്യടനം നടത്തിയത്. കന്യാകുമാരിയില് നിന്ന് ആരംഭിച്ച യാത്ര 13-ാം ദിവസത്തിലേക്ക് കടന്നു.
രാവിലെ ചേര്ത്തല എക് സ്പ്രസ് ബൈപ്പാസ് ജങ്ഷനില് നിന്നാരംഭിച്ച പദയാത്ര ഉച്ചക്ക് 11ന് കുത്തിയതോട് എന്.എസ്.എസ് ബില്ഡിങ് പ്രഭാത വിശ്രമത്തിനായി നിര്ത്തും. തുടര്ന്ന് വൈകീട്ട് നാലിന് കുത്തിയതോട് നിന്ന് പുനരാരംഭിക്കുന്ന യാത്ര വൈകിട്ട് എറണാകുളം ജില്ലയുടെ അതിര്ത്തിയായ അരൂരില് സമാപിക്കും. കുമ്പളം ടോള് പ്ലാസ ജങ്ഷനിലാണ് രാത്രി വിശ്രമം. നാളെ എറണാകുളം ജില്ലയിലെ പര്യടനം ആരംഭിക്കും.
