പത്തനംതിട്ട : സാമൂഹിക സേവന-ജനക്ഷേമ പ്രവർത്തനങ്ങളിലെ മികവിനുള്ള അംഗീകാരമായി നഹാസ് പത്തനംതിട്ടയ്ക്ക് ഭാരത് സേവക് സമാജിന്റെ (B.S.S) ദേശീയ പുരസ്കാരം ലഭിച്ചു. ന്യൂഡൽഹി ആസ്ഥാനമായി പ്രവർത്തിക്കുന്ന ഭാരത് സേവക് സമാജാണ് പുരസ്കാരം സമ്മാനിച്ചത്. ജനസേവന രംഗത്ത് നടത്തിയ പ്രവർത്തനങ്ങളും സമൂഹത്തിന്റെ വിവിധ വിഭാഗങ്ങളിലേക്ക് നടത്തിയ സേവന പ്രവർത്തനങ്ങളും പരിഗണിച്ചാണ് പുരസ്കാരത്തിന് നഹാസ് പത്തനംതിട്ടയെ തെരഞ്ഞെടുത്തത്.
പുരസ്കാര ചടങ്ങിൽ ഭാരത് സേവക് സമാജ് ദേശീയ ചെയർമാൻ ഡോ.ബി.എസ് ബാലചന്ദ്രനിൽ നിന്നും നഹാസ് പത്തനംതിട്ട പുരസ്കാരം ഏറ്റുവാങ്ങി. പുരസ്കാരത്തിന്റെ ഭാഗമായി ഫലകവും പ്രശസ്തിപത്രവും സമ്മാനിച്ചു. ദേശീയ തലത്തിൽ ലഭിച്ച ഈ അംഗീകാരം പത്തനംതിട്ടയുടെ ജനസേവന പ്രവർത്തനങ്ങൾക്ക് ലഭിച്ച വലിയ അംഗീകാരമാണെന്ന് യൂത്ത് കോൺഗ്രസ് സംസ്ഥാന സെക്രട്ടറി കൂടിയായ നഹാസ് പത്തനംതിട്ട പറഞ്ഞു. സമൂഹത്തിന്റെ നന്മയ്ക്കായി കൂടുതൽ ശക്തമായി പ്രവർത്തിക്കാൻ പുരസ്കാരം പ്രചോദനമാകുമെന്നും അദ്ദേഹം കൂട്ടിച്ചേർത്തു.
