കൊച്ചി : ബേസിക് ഹ്യൂമന് റൈറ്റ്സ് എക്സിക്യൂഷന് കൗണ്സില് സംസ്ഥാന വ്യാപകമായ കാർഷിക മുന്നേറ്റത്തിന് തുടക്കമിട്ടു. സംഘടന ചെയർമാൻ ഹംസ നെട്ടൂക്കുടി ബി.എച്ച്.ആർ.ഇ.സി സംസ്ഥാന സമിതി അംഗവും Twenty 20 വെങ്ങോല ഗ്രാമ പഞ്ചായത്ത് മുൻ കമ്മിറ്റി അംഗവുമായിരുന്ന മുതിർന്ന കര്ഷകൻ ഇബ്രാഹിംകുട്ടി ചെരക്കക്കുടിക്ക് ഉഴുന്ന് വിത്ത് കൈമാറി പരിപാടി ഉദ്ഘാടനം നിര്വഹിച്ചു. കര്ഷകന്റെ കൈകരുത്ത് നാടിന്റെ ശക്തി എന്ന സന്ദേശത്തോടെ സംസ്ഥാനത്തുടനീളം ഭക്ഷ്യസുരക്ഷയും സാമ്പത്തിക സ്വയംപര്യാപ്തതയും ഉറപ്പാക്കുന്ന കാർഷിക വിപ്ലവത്തിന് തുടക്കമായതായി ബി.എച്ച്.ആര്.ഇ.സി നേതൃത്വം അറിയിച്ചു.
ഭക്ഷ്യവിളകളുടെ ഉൽപ്പാദനം വർധിപ്പിച്ച് വിപണിയിലെ വിലനിയന്ത്രണത്തിന് സഹായകരമായ ഇടപെടലുകൾ നടത്തുകയെന്നതാണ് ഈ പദ്ധതിയുടെ ലക്ഷ്യം. കാർഷിക മേഖലയെ സാമൂഹിക നീതിയുടെയും സാമ്പത്തിക സ്വയംപര്യാപ്തതയുടെയും അടിത്തറയായി കണ്ട് ദീർഘകാല പ്രവർത്തന പരിപാടികളാണ് അടിസ്ഥാന മനുഷ്യാവകാശ നിര്വഹണ സമിതി ആവിഷ്കരിച്ചിരിക്കുന്നത്. പരിപാടിയിൽ മുൻ ട്വന്റി–20 ഓൾ കേരള സംസ്ഥാന ട്രഷറർ ആയിരുന്ന ബി.എച്ച്.ആര്.ഇ.സി സംസ്ഥാന സമിതി അംഗം സിറാജ് തച്ചായിൽ,ട്വന്റി–20 വെങ്ങോല പഞ്ചായത്ത് മുൻ കമ്മിറ്റി അംഗങ്ങളായിരുന്ന ബി.എച്ച്.ആര്.ഇ.സി സംസ്ഥാന സമിതി അംഗങ്ങളായ അനസ് വളളൂരാൻ, അബ്ദുള്ള കളത്തിങ്ങല്, ബി.എച്ച്.ആർ.ഇ.സി വൈസ് ചെയർമാൻ ജസീലുദ്ദീൻ നെട്ടൂക്കുടി എന്നിവർ പങ്കെടുത്തു.
