മലപ്പുറം : ആനമങ്ങാട് വാഹനപരിശോധനയില് കുഴല്പ്പണം പിടികൂടി. രഹസ്യവിവരത്തെതുടര്ന്ന് പെരിന്തല്മണ്ണ SHO രാജീവും എസ്ഐ ഷിജോ സി തങ്കച്ചനും സംഘവും തിങ്കളാഴ്ച നടത്തിയ പരിശോധനയിലാണ് ഓട്ടോയില് കടത്തുകയായിരുന്ന കുഴല്പ്പണം പിടിച്ചെടുത്തത്. പണം കൊണ്ട് വന്ന മലപ്പുറം വെസ്റ്റ് കോഡൂര് സ്വദേശി തോരപ്പ അബ്ദുള് വഹാബിനെ കസ്റ്റഡിയിൽ എടുത്തു.
KL-10-AG-3839 നമ്പർ ഓട്ടോറിക്ഷയില് പ്ലാറ്റ്ഫോമില് ചവിട്ടിക്ക് താഴെ കവറിലാണ് പണം സൂക്ഷിച്ചിരുന്നത്. 11.15 ലക്ഷം രൂപയാണ് കണ്ടെടുത്തത്. കോഡൂർ നിന്നും തൂതയില് വിവിധ ഭാഗങ്ങളില് വിതരണത്തിനായിട്ടാണ് പണം കൊണ്ടുവന്നിരുന്നത്.
