മല്ലപ്പള്ളി : ഇരുചക്രവാഹനം നിയന്ത്രണം വിട്ട് റബർ തോട്ടത്തിലേക്ക് മറിഞ്ഞതിനെ തുടർന്ന് യുവാവ് മരിച്ചു. പുതുശേരി ചാങ്ങിച്ചേത്ത് വീട്ടിൽ ജോസഫ് ജോർജിന്റെ മകൻ സിജോ ജെറിൻ ജോസഫ് (27) ആണ് മരിച്ചത്. കല്ലൂപ്പാറ പുതുശേരി ജംഗ്ഷന് സമീപം പുറമറ്റം – പുതുശേരി റോഡിലാണ് അപകടം നടന്നത്. എൻജിനീയറായ സിജോ ഞായറാഴ്ച വർക്ക് നടക്കുന്ന വിവിധ സൈറ്റുകളിൽ പോയതായിരുന്നു. തിരികെ വീട്ടിൽ എത്താൻ വൈകി.
മൊബൈൽഫോണിൽ വിളിച്ചിട്ട് എടുക്കാത്തതിനാല് വീട്ടുകാർ രാത്രി പോലീസ് സ്റ്റേഷനിൽ പരാതി നൽകിയിരുന്നു. തുടർന്ന് പോലീസ് ടവർ ലൊക്കേഷൻ നോക്കി പരിശോധന നടത്തിയപ്പോഴാണ് പുതുശേരിക്കു സമീപം റോഡരികിലെ കാടുപിടിച്ച റബ്ബർ തോട്ടത്തിൽ അപകടം നടന്നത് കണ്ടെത്തിയത്. തുടർന്ന് പോലീസ് മൃതദേഹം മല്ലപ്പള്ളിയിലെ സ്വകാര്യ ആശുപത്രിയിലേക്ക് മാറ്റി. മാതാവ് അക്കാമ്മ ജോസഫ് , സഹോദരങ്ങൾ ജുബിൻ ജോസഫ് , ജൂലി മറിയം ജോസഫ്. സംസ്ക്കാരം പിന്നീട്. കീഴ് വായ്പ്പൂര് പോലീസ് മേൽ നടപടി സ്വീകരിച്ചു.