തൃശൂര് : വഴിതടഞ്ഞ സമരക്കാരോട് കയര്ത്ത് ബൈക്ക് യാത്രികന്. പണിമുടക്കിയ തൊഴിലാളികള് തൃശൂര് സ്വരാജ് റൗന്ഡില് വാഹനങ്ങള് തടഞ്ഞതാണ് തര്ക്കത്തിനിടയാക്കിയത്. ബൈക്ക് യാത്രക്കാരനു നേരെ സമരക്കാരുടെ കയ്യേറ്റ ശ്രമവും ഉണ്ടായി. വഴി തടഞ്ഞപ്പോള് താന് പോടോ.. താന് ആരാടാ ഇവിടുത്തെ.. എന്നു ബൈക്ക് യാത്രികന് ചോദിച്ചതാണ് പ്രകോപനത്തിനിടയാക്കിയത്. തുടര്ന്ന് തൊഴിലാളികളില് ചിലര് ഇയാളെ കയ്യേറ്റം ചെയ്യുകയും പിടിച്ചു തള്ളുകയും ചെയ്തു.
പിന്നീട് മുതിര്ന്ന നേതാക്കള് ഇടപ്പെട്ടാണു തൊഴിലാളികളെ ശാന്തരാക്കിയത്. ബൈക്ക് യാത്രക്കാരന് ആശുപത്രിയിലേക്കു പോകുകയാണെന്നു പറഞ്ഞെങ്കിലും സമരക്കാര് കടത്തിവിട്ടില്ല. തുടര്ന്ന് ബൈക്ക് യാത്രക്കാരനെ പോലീസ് ഇടപ്പെട്ടു മടക്കി വിട്ടു. സ്വകാര്യ വാഹനങ്ങള് തടഞ്ഞു തുടങ്ങിയതോടെ വണ്ടികള് പോലീസ് വഴിതിരിച്ചു വിട്ടു.
