കൊല്ലം: ജില്ലയിലെ പോസ്റ്റര് വിവാദത്തില് പ്രതികരണവുമായി ഡി.സി.സി പ്രസിഡന്റ് ബിന്ദു കൃഷ്ണ. പാര്ട്ടിയില് കലാപമുണ്ടാക്കാനുള്ള നീക്കങ്ങളാണ് നടക്കുന്നതെന്ന് ബിന്ദുകൃഷ്ണ പറഞ്ഞു. രാഷ്ട്രീയ മര്യാദയില്ലാത്തവരാണ് ആരോപണം ഉന്നയിക്കുന്നതെന്നും അവര് ആരോപിച്ചു.
കൊല്ലത്ത് സ്ഥാനാര്ഥികളെ നിര്ണയിച്ചത് കെ.പി.സി.സി നിയോഗിച്ച സമിതിയാണ്. പണാ വാങ്ങിയെന്ന ആരോപണം തെറ്റാണെന്നും ബിന്ദുകൃഷ്ണ പറഞ്ഞു. ബിന്ദുകൃഷ്ണക്കെതിരെ ഡി.സി.സി, ആര്.എസ്.പി ഓഫീസിന് മുന്നിലാണ് പോസ്റ്റര് ഉയര്ന്നത്. സേവ് കോണ്ഗ്രസ് എന്ന പേരിലായിരുന്നു പോസ്റ്ററുകള്. ബിന്ദുകൃഷ്ണ സ്ഥാനാര്ഥി നിര്ണയത്തില് പണം വാങ്ങിയെന്ന് പോസ്റ്ററുകളില് ആരോപിച്ചിരുന്നു. അവരെ ഉടന് തല്സ്ഥാനത്ത് നിന്ന് മാറ്റണമെന്നും ആവശ്യപ്പെട്ടിരുന്നു.
