മട്ടാഞ്ചേരി: സംസ്ഥാനത്ത് പക്ഷി സര്വേ നടത്തുന്നു . മൂന്നു വര്ഷത്തോളം നീളുന്ന സര്വേ കൊച്ചിയില്നിന്നാണ് ആരംഭിക്കുന്നത്. ഈ മാസം അവസാനത്തോടെ സര്വേ ആരംഭിക്കും. ജനുവരി മുതല് മാര്ച്ചുവരെ കേരളത്തില് ദേശാടനപ്പക്ഷികള് ഏറെയെത്തുന്ന സമയമാണെന്നാണ് വിലയിരുത്തുന്നത്. ജൂലൈ മുതല് സെപ്റ്റംബര്വരെ പക്ഷികള് ദേശാന്തരം നടത്തുന്നത് അപൂര്വമാണെന്നാണ് കണക്കാക്കുന്നത്. ഇത് സര്വേ പ്രവര്ത്തനങ്ങള്ക്ക് സഹായകരമാകും. പക്ഷികളുടെ ആവാസവ്യവസ്ഥ, ദേശാന്തര യാത്ര, ഭീഷണി, തളര്ച്ച, നിലനില്പ്, വംശനാശ ഭീഷണി, തുടര്ജീവനം, ഭക്ഷണ ലഭ്യത തുടങ്ങി വിവിധ വിഷയങ്ങളാണ് സര്വേയിലുള്ളത്. ദേശാടനപ്പക്ഷികളടക്കം നാലായിരത്തിലേറെ പക്ഷിക്കൂട്ടങ്ങളാണ് കേരളത്തിലുള്ളതെന്നാണ് കണക്കാക്കുന്നത്. പക്ഷിസ്നേഹികളും നിരീക്ഷകരുമടങ്ങുന്ന ആയിരത്തോളം സന്നദ്ധ പ്രവര്ത്തകര് പങ്കെടുക്കും. രണ്ടു മുതല് അഞ്ചുപേര് വരെയടങ്ങുന്ന സംഘങ്ങളായാണ് സര്വേ നടത്തുക. നിരീക്ഷണം നടത്തിയും ജി.പി.എസ് അടിസ്ഥാനമാക്കിയുമാണ് സര്വേ. പക്ഷികളുടെ ഫോട്ടോയും രീതികളും ശരീരപ്രകൃതി, നിറങ്ങള് എന്നിവ സര്വേക്ക് അടിസ്ഥാനമാക്കും. കൊച്ചിന് നാച്വറല് ഹിസ്റ്ററി സൊസൈറ്റിയാണ് പ്രവര്ത്തനങ്ങള്ക്ക് നേതൃത്വം നല്കുക.
സംസ്ഥാനത്ത് പക്ഷി സര്വേ നടത്തുന്നു
RECENT NEWS
Advertisment