പന്തളം : നഗരസഭ കൗണ്സിലറും ബിജെപി ജില്ലാ സെക്രട്ടറിയുമായ കെ വി പ്രഭ പാര്ലമെന്ററി പാര്ട്ടി സെക്രട്ടറി സ്ഥാനം രാജിവച്ചു. ബിജെപി നേതൃത്വം നല്കുന്ന ഭരണസമിതിയിലെ തമ്മിലടി രൂക്ഷമായതിന്റെ തുടര്ച്ചയാണ് രാജി. രണ്ടുമാസം മുമ്പ് കെ വി പ്രഭയെ പന്തളം നഗരസഭാധ്യക്ഷ സുശീല സന്തോഷ് അസഭ്യം പറഞ്ഞിരുന്നു. ഇത് നവമാധ്യമങ്ങളിലൂടെ പുറത്തായിട്ടും അധ്യക്ഷക്കെതിരെ നടപടി സ്വീകരിച്ചില്ല.
ബിജെപി ജില്ലാ നേതൃത്വം ചര്ച്ചയ്ക്ക് വിളിച്ചപ്പോള് ചെയര്പേഴ്സണ് പങ്കെടുത്തില്ല. നടപടി അനന്തമായി വൈകിയതോടെ ശനിയാഴ്ച ജില്ലാ പ്രസിഡന്റിന് വാട്സാപിലൂടെ രാജിക്കത്തയക്കുകയായിരുന്നു. ബിജെപിയുടെ നേതൃത്വത്തിലുള്ള നഗരസഭയില് ഈ തമ്മിലടി മൂലം ഭരണം സ്തംഭിച്ചു.
