റാന്നി : വിവിധ സംസ്ക്കാരങ്ങളാല് സമ്പന്നമായ രാജ്യത്തെ തച്ചുടച്ച് മതരാഷ്ട്രമാക്കാനാണ് ബി.ജെ.പി സര്ക്കാര് ശ്രമിക്കുന്നതെന്ന് സി.പി.ഐ റാന്നി മണ്ഡലം സെക്രട്ടറി ജോജോ കോവൂര് പറഞ്ഞു. സി.പി.ഐ നാറാണംമൂഴി ലോക്കല് സമ്മേളനത്തിന്റെ പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സാഹോദര്യം ഊട്ടി ഉറപ്പിച്ച് ഭരണഘടന എഴുതിയ അംബേദ്കര് ഇന്ത്യയെ മതനിരപേക്ഷ രാജ്യമായിട്ടാണ് കണ്ടത്. എന്നാല് ഇന്ത്യന് സംസ്ക്കാരത്തെ ഇല്ലാതാക്കി കുത്തകകള്ക്ക് തീറെഴുതുകയാണ് ബി.ജെ.പി ചെയ്യുന്നത്.
സമാധാന ജീവിതം കാംക്ഷിക്കുന്ന മതേതര മനസ്സുകളെ വേദനിപ്പിക്കാന് മാത്രമേ പഹല്ഗാം പോലുള്ള ഭീകരാക്രമണങ്ങള് ഉപകരിക്കു. ഭീകരവാദികള് ഉന്നമിടുന്ന തരത്തില് മത സൗഹാര്ദ്ദം തകര്ക്കാന് കഴിയില്ല എന്നും അക്കാര്യത്തില് രാജ്യം ഒറ്റക്കെട്ടാകുമെന്നും അദ്ദേഹം പറഞ്ഞു. സംഘാടക സമതി ചെയര്മാന് തോമസ് ജോര്ജ് അധ്യക്ഷത വഹിച്ചു. മണ്ഡലം അസിസ്റ്റന്റ് സെക്രട്ടറി സന്തോഷ് കെ.ചാണ്ടി, ആര് നന്ദകുമാര്, ലോക്കല് സെക്രട്ടറി എം.ശ്രീജിത്ത്, പി.സി എബ്രഹാം, പി.ജെ ജോണ്, സ്റ്റീഫന് ജോസഫ്, സതീഷ് കോവൂര്, പി.സി എബ്രഹാം, അനീഷ് ജോസഫ്, ഉഷാ വിജയന്, അന്നമ്മ തോമസ് എന്നിവര് പ്രസംഗിച്ചു.
