ദില്ലി: കഴിഞ്ഞദിവസം കോണ്ഗ്രസ് പ്രസിഡന്റ് മല്ലികാര്ജുന് ഖാര്ഗെ പ്രധാനമന്ത്രി നരേന്ദ്രമോദിക്കെതിരായി നടത്തിയ വിഷപാമ്പ് പരാമര്ശത്തില്, തെരഞ്ഞെടുപ്പ് കമ്മീഷന് ബിജെപി പരാതി നല്കി. പരാമര്ശം പെരുമാറ്റ ചട്ടങ്ങളുടെ ലംഘനമാണെന്നും പ്രധാനമന്ത്രിയെ അപമാനിച്ചതില് നടപടി വേണമെന്നുമാണ് പരാതിയിലെ ആവശ്യം.
അതേസയം കോണ്ഗ്രസ് മുന് അധ്യക്ഷയും യുപിഎ ചെയര്പേഴ്സണുമായ സോണിയാഗാന്ധിയെ ‘വിഷകന്യക’ എന്ന് ആക്ഷേപിച്ച് രംഗത്തെത്തിയിരിക്കുകയാണ് ബിജെപി നേതാവ്. കര്ണാടക ബിജെപി എംഎല്എ ബസനഗൗഡ യത്നാല് ആണ് സോണിയാഗാന്ധിയെ അധിക്ഷേപിച്ചത്. കൊപ്പാല് ജില്ലയില് നടന്ന തിരഞ്ഞെടുപ്പ് റാലിക്കിടെയാണ് എംഎല്എയുടെ വിവാദ പ്രസ്താവന.
