ബംഗളൂരു: അനധികൃത നിര്മാണമെന്ന് ആരോപിച്ച് കെട്ടിടം പൊളിക്കാനുള്ള നീക്കത്തെ പ്രതിരോധിച്ച യുവതിക്ക് എംഎല്എയുടെ അസഭ്യവര്ഷം. ബംഗളൂരു കോര്പ്പറേഷിന്റെ നടപടിയെ എതിര്ത്ത യുവതിക്കുനേരെ ബിജെപി എംഎല്എ അരവിന്ദ് ലിംബവല്ലിയാണ് അസഭ്യവര്ഷം നടത്തിയത്. ഇവരെ പോലീസ് കസ്റ്റഡിയിലെടുത്തു. സര്ക്കാര് ഉദ്യോഗസ്ഥരുടെ ജോലി തടസപ്പെടുത്തിയതിന് കേസുമെടുത്തു. സംഭവത്തില് കടുത്ത പ്രതിഷേധം രേഖപ്പെടുത്തി കോണ്ഗ്രസ് നേതാവ് രണ്ദീവ് സിംഗ് സുര്ജേവാല രംഗത്തെത്തി. സ്ത്രീ സുരക്ഷയില് ബിജെപിയുടെ ഇരട്ടത്താപ്പാണ് ഈ സംഭവത്തിലൂടെ വെളിവാകുന്നതെന്ന് അദ്ദേഹം ആരോപിച്ചു.
