പത്തനംതിട്ട : ഗോവയിൽ നടന്ന നാലാമത് നാഷണൽ യൂത്ത് ഗെയിംസ് ചാമ്പ്യൻഷിപ്പിൽ, ഇരുപത്തിരണ്ടു വയസിൽ താഴെയുള്ളവരുടെ 200 മീറ്റർ ഓട്ട മത്സരത്തിൽ വെള്ളി മെഡൽ കരസ്ഥമാക്കി റാന്നിയുടെ അഭിമാനമായി മാറിയ റാന്നി പെരുനാട് ഗ്രാമപഞ്ചായത്ത് പതിനാലാം വാർഡ് കക്കാട് സ്വദേശിയായ ശ്രീലക്ഷ്മിയെ ബിജെപി പത്തനംതിട്ട ജില്ലാ പ്രസിഡന്റ് വി എ സൂരജ് വീട്ടിലെത്തി അനുമോദിച്ചു.
സംസ്ഥാന കമ്മിറ്റി അംഗം പ്രദീപ് അയിരൂർ ബിജെപി നിയോജകമണ്ഡലം പ്രസിഡന്റ് ഷൈൻ ജി കുറുപ്പ് ജനറൽസെക്രട്ടറി സിനു പണിക്കർ, വാർഡ് മെമ്പർ അരുൺ അനിരുദ്ധൻ, ബിജെപി പഞ്ചായത്ത് പ്രസിഡന്റ് മനീഷ് പെരുനാട്
എന്നിവരും ഒപ്പമുണ്ടായിരുന്നു.
പെരുനാട് ഗ്രാമപഞ്ചായത്ത് പതിനാലാം വാർഡ് കക്കാട് കോട്ടുപാറതടത്തിൽ വീട്ടിൽ കർഷകനായ കെ വി റെജിയുടെയും ശോഭിതയുടെയും മകളാണ് ശ്രീലക്ഷ്മി. മാടമൺ യുപി സ്കൂളിൽ അഞ്ചാം ക്ലാസ് വിദ്യാർത്ഥിയായിരിക്കെയാണ് ആദ്യമായി ശ്രീലക്ഷ്മിക്ക് സ്റ്റേറ്റ് ലെവലിൽ സെലക്ഷൻ ലഭിക്കുന്നത്.
അതിനു ശേഷം നിരവധി തവണ സ്റ്റേറ്റ് ലെവലിലും,നാഷണൽ ലെവലിലും മീറ്റുകളിൽ പങ്കെടുത്തിരുന്നു. ഇനിയും നടക്കാൻ പോകുന്ന ചാമ്പ്യൻഷിപ്പുകളിൽ സ്വർണ മെഡൽ നേടി ഒരുപാട് ഉയരങ്ങൾ കീഴടക്കുവാൻ ശ്രീലക്ഷ്മിക്കു കഴിയട്ടെ എന്ന് വി എ സൂരജ് ആശംസിച്ചു.
