കൊല്ലം: കൊല്ലത്ത് വീണ്ടും ട്രയിനില് നിന്ന് കളളപ്പണം കണ്ടെത്തി. കണക്കില്പ്പെടാത്ത ഒരു കോടിയോളം രൂപയുമായി മൂന്ന് മഹാരാഷ്ട്ര സ്വദേശികളാണ് അറസ്റ്റിലായത്.
മഹാരാഷ്ട്ര സ്വദേശികളായ രഞ്ജിത് കമ്പാര്, ഹനുമന്ത്, പ്രശാന്ത് കനാജികദം എന്നിവരാണ് അറസ്റ്റിലായത്. മൂവരും ബന്ധുക്കളാണ്. കയ്യിലുണ്ടായിരുന്ന തൊണ്ണൂറു ലക്ഷത്തി നാല്പ്പതിനായിരത്തി എഴുന്നൂറ് രൂപയുടെ ഉറവിടമോ മറ്റ് രേഖകളോ റെയില്വെ പോലീസിനു മുന്നില് ഹാജരാക്കാന് സംഘത്തിന് കഴിഞ്ഞില്ല.
തിരുനെല്വേലിയില് നിന്ന് കരുനാഗപ്പളളിയിലേക്ക് കൊണ്ടുപോവുകയായിരുന്നു പണം എന്നു മാത്രമാണ് മൂവരും പോലീസിന് മുന്നില് വെളിപ്പെടുത്തിയത്. ആരാണ് പണം നല്കിയതെന്നോ ആരാണ് പണം സ്വീകരിക്കുകയെന്നോ ഉളള വിവരങ്ങള് പോലീസിന് കിട്ടിയിട്ടില്ല.
