കൊടകര: ഉളുമ്പത്തുകുന്നില് കടമുറിയുടെ വരാന്തയില് രക്തം തളംകെട്ടി കിടന്നത് പരിഭ്രാന്തി പരത്തി. മനുഷ്യരക്തമാണെന്ന പ്രചാരണമാണ് നാട്ടുകാരില് ആശങ്കക്കിടയാക്കിയത്. തിങ്കളാഴ്ച രാവിലെയാണ് സംഭവം നാട്ടുകാരുടെ ശ്രദ്ധയില്പെട്ടത്. നാട്ടുകാര് അറിയിച്ചതിനെ തുടര്ന്ന് കൊടകര പോലീസ് സ്ഥലത്തെത്തി.
ശാസ്ത്രീയ പരിശോധനകളിലൂടെ മാത്രമേ ഇത് മനുഷ്യ രക്തമാണോയെന്ന് തിരിച്ചറിയാനാകൂയെന്ന് കൊടകര പോലീസ് പറഞ്ഞു. ഫോറന്സിക് സയന്റിഫിക് വിദഗ്ധര് സ്ഥലത്തെത്തി പരിശോധന നടത്തി സാമ്പിള് ശേഖരിച്ചു. രണ്ട് ദിവസത്തിന് ശേഷം മാത്രമേ പരിശോധനാ ഫലം ലഭിക്കൂവെന്ന് കൊടകര പോലീസ് അറിയിച്ചു.
