കോന്നി : കോന്നി വകയാർ പോപ്പുലർ ഗ്രുപ്പ് നിക്ഷേപ തട്ടിപ്പുമായി ബന്ധപ്പെട്ട് പ്രതികളായ റോയ് ഡാനിയേൽ ഭാര്യ പ്രഭ മക്കളായ റീനു, റീബ എന്നിവരെ തെളിവെടുപ്പിനു എത്തിച്ചപ്പോൾ പ്രതിഷേധവുമായി നിക്ഷേപകർ.
പോലീസ് വാഹനങ്ങളിൽ ഇവരെ എത്തിച്ചപ്പോൾ കൂകി വിളിച്ചാണ് നാട്ടുകാരും നിക്ഷേപകരും ഇവരെ സ്വീകരിച്ചത്. തുടർന്ന് പോലീസിനു നേരെയും നിക്ഷേപകർ പ്രതിഷേധിച്ചു. ആളുകൾ തടിച്ചു കൂടിയതോടെ പാടുപെട്ടാണ് പോലീസ് ഇവരെ തെളിവെടുപ്പിനായി വീട്ടിലേക്ക് കയറ്റിയത്. തുടർന്ന് നിക്ഷേപകർ ദൃശ്യ- വാർത്ത മാധ്യമ പ്രവർത്തകരുടെ അടുക്കൽ എത്തി തങ്ങളുടെ പ്രതിഷേധം അറിയിച്ചു. അതേസമയം പോപ്പുലർ ഗ്രുപ്പ് ഉടമകൾ നടത്തിയ സാമ്പത്തിക തട്ടിപ്പിൻ്റെ വ്യാപ്തി വലുതാണെന്ന് പോലീസ് വ്യക്തമാക്കി. ഇവരുമായുള്ള തെളിവെടുപ്പ് മണിക്കൂറുകൾ നീളുമെന്നുമാണ് പുറത്തു വരുന്ന വിവരം.
https://www.facebook.com/mediapta/videos/665849330706280/
