മലപ്പുറം: മലപ്പുറം താനൂര് തൂവല് തീരത്ത് ബോട്ട് മറിഞ്ഞുണ്ടായ അപകടത്തില് മരണം ഒമ്പതായി. വിനോദ സഞ്ചാരികള് സഞ്ചരിച്ച ബോട്ട് ആണ് മറിഞ്ഞത്. നിരവധി പേര് അപകടത്തില് പെട്ടിട്ടുണ്ട്. ബോട്ടില് 35-ഓളം യാത്രക്കാരുണ്ടായിരുന്നു എന്നാണ് വിവരം. സ്ത്രീകളും കുട്ടികളും അടക്കമുള്ളവരാണ് ബോട്ടിലുണ്ടായിരുന്നത്. വൈകീട്ട് ഏഴ് മണിയോടെയാണ് അപകടമുണ്ടായത്.
രക്ഷാ പ്രവര്ത്തനം ഇപ്പോഴും തുടരുകയാണ്. ഏഴുപേരെ രക്ഷപ്പെടുത്തിയെന്നാണ് പ്രാഥമിക വിവരം. രാത്രിയായതിനാല് വെളിച്ചക്കുറവ് രക്ഷാപ്രവര്ത്തനത്തിന് തടസ്സം സൃഷ്ടിക്കുന്നുണ്ട്. താനൂരിലും പരിസരങ്ങളിലുമുള്ളവരാണ് അപകടത്തില്പ്പെട്ട ബോട്ടിലുണ്ടായിരുന്നത്. ബോട്ട് ഇപ്പോഴും വെള്ളത്തിനടിയിലാണ്.ബോട്ടില് ഉള്ക്കൊള്ളാവുന്നതിലും കൂടുതല് ആളുകളെ കയറ്റി സര്വീസ് നടത്തിയതാണ് അപകടകാരണമെന്നാണ് വിവരം.
