മഹാരാഷ്ട്രാ : ആയുധങ്ങളുമായി മഹാരാഷ്ട്രാ തീരത്ത് ബോട്ട് കണ്ടെത്തിയ സംഭവത്തില്‍ തീവ്രവാദ വിരുദ്ധ സേനയുടെ അന്വേഷണം തുടരുന്നു. ബോട്ടിന്റെ ഉടമസ്ഥയായ ഓസ്‌ട്രേലിയന്‍ പൗരയുടെ വിശദമായ മൊഴി രേഖപ്പെടുത്തും. ജൂണ്‍ 26 നാണ് യന്ത്രത്തകരാറിനെ തുടര്‍ന്ന് കടലില്‍ ബോട്ട് ഉപേക്ഷിച്ച്‌ കൊറിയന്‍ നേവിയുടെ കപ്പലില്‍ സ്ത്രീയും ഭര്‍ത്താവും അടങ്ങുന്ന സംഘം ഒമാനിലേക്ക് പോയത്. പിന്നീട് ബോട്ടിനെക്കുറിച്ച്‌ വിവരമില്ലായിരുന്നു.
തീരത്ത് ബോട്ട് കണ്ടെത്തിയ സംഭവത്തില്‍ തീവ്രവാദ ബന്ധം സംശയിക്കാനുള്ള തെളിവുകളില്ലെന്നാണ് ഉപമുഖ്യമന്ത്രി ദേവേന്ദ്ര ഫഡ്‌നാവിസ് പറഞ്ഞത്. എന്‍ഐഎയും സംഭവവുമായി ബന്ധപ്പെട്ട് വിവര ശേഖരണം നടത്തുന്നുണ്ട്. മൂന്ന് എകെ 47 തോക്കുകളും വെടിയുണ്ടകളുമാണ് ബോട്ടിലുണ്ടായിരുന്നത്.
