ലക്നൗ: ഉത്തര്പ്രദേശില് കമിതാക്കളെ കൊന്ന് മൃതദേഹം മരത്തില് കെട്ടിത്തൂക്കി. ഉന്നാവോ ജില്ലയിലാണ് ക്രൂരമായ കൊലപാതകം നടന്നത്. ദളിത് യുവാവുമായി പ്രണയത്തിലായതിനെ തുടര്ന്ന് പെണ്കുട്ടിയുടെ വീട്ടുകാര് കമിതാക്കളെ കൊന്ന് മൃതദേഹം മരത്തില് കെട്ടിത്തൂക്കി. പെണ്കുട്ടിയുടെ പിതാവ് ഉള്പ്പെടെ ഏഴു പേര്ക്കെതിരെ പോലീസ് കേസെടുത്തു.
പായപൂര്ത്തിയാകാത്ത കമിതാക്കളുടെ മൃതദേഹം, ചൊവ്വാഴ്ചയാണ് അസിവന് പോലീസ് സ്റ്റേഷന് പരിധിയിലെ കായംപൂര് നിവാര്വാര ഗ്രാമത്തിനടുത്തുള്ള മാവിന്തോട്ടത്തില് കെട്ടിത്തൂക്കിയ നിലയില് കണ്ടെത്തിയത്. പെണ്കുട്ടിക്ക് 17 വയസ്സുണ്ടെന്നും താക്കൂര് സമുദായത്തില്പ്പെട്ടയാളാണെന്നും 19 വയസ്സുള്ള കാമുകന് ദളിതനാണെന്നും പോലീസ് പറഞ്ഞു. മൃതദേഹങ്ങള് കണ്ടെത്തുന്നതിന് ഒരു ദിവസം മുമ്പ്, പെണ്കുട്ടിയെ തട്ടിക്കൊണ്ടുപോയി എന്ന ആരോപിച്ച് പെണ്കുട്ടിയുടെ പിതാവ് യുവാവിനെതിരെ പരാതി നല്കിയിരുന്നതായി പോലീസ് വ്യക്തമാക്കി.
