ലക്നൗ : ഉത്തരേന്ത്യയിൽ കനത്ത ചൂട് തുടരുന്ന സാഹചര്യത്തിൽ ഉത്തർപ്രദേശിലെ പത്ത് ജില്ലകളിൽ റെഡ് അലർട്ട് പ്രഖ്യാപിച്ചു. സംസ്ഥാനത്തെ 34 ജില്ലകളിൽ ഓറഞ്ച് അലർട്ടും നിലവിലുണ്ട്. ഉത്തർപ്രദേശിലെ ബാന്തയിൽ കഴിഞ്ഞ ഏതാനും ദിവസങ്ങളായി 48 ഡിഗ്രി സെൽഷ്യസ് ചൂടാണ് രേഖപ്പെടുത്തുന്നത്. ഉത്തർപ്രദേശിന് പുറമെ മറ്റ് ഉത്തരേന്ത്യൻ സംസ്ഥാനങ്ങളിലും താപനില അതിരൂക്ഷമായി തുടരുകയാണ്. മധ്യപ്രദേശിലെ ചത്തർപ്പൂറിൽ ചൂട് 47 ഡിഗ്രി കടന്നു. രാജ്യതലസ്ഥാനമായ ഡൽഹിയിൽ 45 ഡിഗ്രി വരെയാണ് താപനില ഉയർന്നത്. കനത്ത ചൂടിനൊപ്പം രാത്രികാലങ്ങളിൽ അനുഭവപ്പെടുന്ന വൈദ്യുതി തടസ്സവും ജനജീവിതത്തെ ദുസ്സഹമാക്കിയിട്ടുണ്ട്. അതേസമയം, ചൂടിന് അല്പം ആശ്വാസമേകി മലയോര മേഖലകളിൽ മഞ്ഞു വീഴ്ച റിപ്പോർട്ട് ചെയ്തിട്ടുണ്ട്. ഹിമാചൽ പ്രദേശിൽ മഴ ആരംഭിച്ചത് വരും ദിവസങ്ങളിൽ ചൂട് കുറയാൻ സഹായിക്കുമെന്ന പ്രതീക്ഷയിലാണ് അധികൃതർ.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
