കവിയൂർ : പെരുന്ന എൻ.എസ്.എസ് ഹിന്ദു കോളേജ് മലയാളം വിഭാഗം മുൻ മേധാവി ഡോ.സി.പി ലീല രചിച്ച നിരൂപണ ഗ്രന്ഥം (മാധവിക്കുട്ടി,ആത്മാവിൽതൊട്ട നീലാംബരി) നോവലിസ്റ്റ് ബെന്യാമിൻ പ്രകാശനം ചെയ്തു. സാക്ഷരത മിഷൻ ഡയറക്ടർ പ്രൊഫ.ഒ.ജി ഒലീന ആദ്യപ്രതി ഏറ്റുവാങ്ങി. കവിയൂർ ഞാലിയിൽ ദേവി ക്ഷേത്ര ഓഡിറ്റോറിയത്തിൽ നടന്ന ചടങ്ങിൽ എൻ.എസ്.എസ് യൂണിയൻ പ്രസിഡന്റ് ആർ.മോഹനൻ പിള്ള അധ്യക്ഷത വഹിച്ചു. ചലച്ചിത്ര സംവിധായകൻ കവിയൂർ ശിവപ്രസാദ് പുസ്തക പരിചയം നിർവഹിച്ചു. ഡോ.ബി രവികുമാർ, പ്രൊഫ.ടി ഗീത,വാർഡ് മെമ്പർ എലിസബത്ത് തോമസ്, ആർ. ശശിധരൻ എന്നിവർ സംസാരിച്ചു.
