തിരുവനന്തപുരo : പള്ളിമണി എന്ന സിനിക്കെതിരെ സാമൂഹ്യ വിരുദ്ധരുടെ കടന്നാക്രമണത്തെക്കുറിച്ച് സംവിധായകൻ അനിൽ കുമ്പഴ പങ്കുവെച്ച ഫേസ്ബുക്ക് പോസ്റ്റ് ശ്രദ്ധേയമാകുന്നു. തിയേറ്ററുകളിലേക്ക് ചിത്രം എത്തിക്കാനുള്ള ശ്രമത്തിലാണ് സംവിധായകനും നിര്മ്മാതാക്കളും. ഒരുപാട് ബുദ്ധിമുട്ടുകളും പ്രയാസങ്ങളും നേരിട്ട് പൂര്ത്തിയാക്കിയ ചിത്രമാണ് പള്ളിമണിയെന്ന് അണിയറ പ്രവര്ത്തകര് പറയുന്നു. തങ്ങളുടെ ജീവിതത്തിലെ ഏറ്റവും വലിയ സ്വപ്നമായ സിനിമയുടെ പോസ്റ്ററുകള് കീറിയ നിലയില് കണ്ട സംവിധായകൻ ഫേസ്ബുക്കില് പ്രതികരിച്ചിരിക്കുകയാണ്.
ഫേസ്ബുക്ക് പോസ്റ്റിൻ്റെ പോസ്റ്റിന്റെ പൂര്ണ്ണരൂപം
തിരുവനന്തപുരത്ത് നിന്നുള്ള കാഴ്ച്ചയാണ് കണ്ണു നിറക്കുന്ന കാഴ്ച്ച … അണ്ണാ കൈയ്യില് ക്യാഷ് ഒന്നും ഉണ്ടായിട്ടല്ല …വലിയ ആര്ട്ടിസ്റ്റ് ചിത്രവും അല്ല പടം തിയറ്ററില് എത്തുന്നതിന് മുന്നേ ക്യാഷ് കിട്ടാന് ,,, ഇതോക്കെ കടംമൊക്കെ എടുത്തു ചെയ്യുന്നതാ സത്യം …ഉപദ്രവിക്കരുത് … എല്ലാം പ്രതിക്ഷയാണല്ലോ…. 24th നമ്മുടെ അടുത്തുള്ള തിയറ്ററുകളില് എത്തും ‘പള്ളിമണി’. ചിത്രം ഇറങ്ങുമ്പോള് തന്നെ പോയി കയറാന് ഇതു വലിയ സ്റ്റാര് പടമൊന്നുമല്ല എന്നുള്ളത് നിങ്ങളെ പോലെ ഞങ്ങള്ക്കും അറിയാം ഞങ്ങളുടെ പരിമിതിയില് നിന്നു കൊണ്ട് ഞങ്ങളും ഇങ്ങനെയൊക്കെ പബ്ലിസിറ്റി ചെയ്തോട്ടെ…ഉപദ്രവിക്കരുത് അപേക്ഷയാണ്….
14 വര്ഷത്തിനുശേഷം നിത്യ ദാസ് വീണ്ടും നായിക പദവിയിലേക്ക് എത്തുന്ന ചിത്രമാണ് പള്ളിമണി. നിത്യയെ കൂടാതെ ശ്വേത മേനോന് രണ്ട് വ്യത്യസ്ത കഥാപാത്രങ്ങളെ അവതരിപ്പിക്കുന്ന പള്ളിമണി എന്ന ചിത്രം സംവിധാനം ചെയ്തിരിക്കുന്നത് പ്രശസ്ത കലാസംവിധായകന് അനില് കുമ്പഴയാണ്. എല് എ മേനോന് പ്രൊഡക്ഷന്സിന്റെ ബാനറില് ലക്ഷ്മി, അരുണ് മേനോന് എന്നിവര് ചേര്ന്നാണ് ചിത്രം നിര്മ്മിക്കുന്നത്. ക്രസെന്റ് റിലീസും എല് എ മേനോന് പ്രൊഡക്ഷന്സ് എന്നിവര് ചേര്ന്നാണ് ചിത്രം റിലീസിന് എത്തിക്കുന്നത്. കോമഡി ഉത്സവത്തിലൂടെ പ്രേക്ഷകര്ക്ക് പരിചിതനായ ശ്രീജിത്ത് രവി ആണ് ആണ് ചിത്രത്തിന്റെ സംഗീത സംവിധായകന്. കെ. ആര് നാരായണന് രചിച്ചിരിക്കുന്ന വരികള് ആലപിച്ചിരിക്കുന്നത് വിനീത് ശ്രീനിവാസന് ആണ്.
ഭയം പെയ്തിറങ്ങുന്ന ഒരു രാത്രിയില് തീര്ത്തും അപരിചിതമായ സ്ഥലത്ത് ഒറ്റപ്പെട്ടു പോകുന്ന ദമ്പതികളുടെയും അവരുടെ മക്കളുടെയും അതിജീവനത്തിന്റെ കഥ പറയുന്ന ‘പള്ളിമണി’യില് കൈലാഷ്, ദിനേശ് പണിക്കര്, ഹരികൃഷ്ണന് എന്നിവരാണ് മറ്റു താരങ്ങള്. സൈക്കോ ഹൊറര് ത്രില്ലര് ചിത്രമായ ‘പള്ളിമണി’യുടെ കഥ, തിരക്കഥ, സംഭാഷണം കെ.വി അനിലിന്റെയാണ്. ഛായാഗ്രഹണം അനിയന് ചിത്രശാല നിര്വ്വഹിക്കുന്നു.
കലാസംവിധാനം- സജീഷ് താമരശ്ശേരി, വസ്ത്രാലങ്കാരം- ബ്യൂസി ബി ജോണ്, മേക്കപ്പ്- പ്രദീപ് വിതുര, എഡിറ്റിംഗ്- ആനന്ദു എസ് വിജയി, സ്റ്റില്സ്- ശാലു പേയാട്, ത്രില്സ്- ജിറോഷ്, പ്രൊജക്റ്റ് ഡിസൈനര്- രതീഷ് പല്ലാട്ട്, ജോബിന് മാത്യു, പ്രൊഡക്ഷന് മാനേജര് – ദീപു തിരുവല്ലം, മോഷന് പോസ്റ്റര് ഡിസൈനര്- സേതു ശിവാനന്ദന്. പോസ്റ്റര് ഡിസൈനര് : എസ് കെ ഡി ഡിസൈനിംഗ് ഫാക്ടറി. ബി ജി എം റിജോഷ്.വാര്ത്ത പ്രചരണം-സുനിത സുനില്.
വീഡിയോ എഡിറ്ററെ ആവശ്യമുണ്ട്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായിലേക്ക് വീഡിയോ എഡിറ്ററെ ആവശ്യമുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും ഓണ്ലൈന് ന്യുസ് ചാനലിന്റെ വീഡിയോ പ്ലാറ്റ്ഫോം കൈകാര്യം ചെയ്തുള്ള പരിചയം ഉണ്ടായിരിക്കണം. പത്തനംതിട്ട ഓഫീസില് ആയിരിക്കും ജോലി ചെയ്യേണ്ടത്. ശമ്പളം തുടക്കത്തില് 15000 രൂപാ പ്രതിമാസം ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
