തിരൂര് : അരിക്കാഞ്ചിറയില് തലയില് കുപ്പി കുടുങ്ങിയ കുറുക്കനെ രക്ഷിനാവാതെ വനംവകുപ്പ് ഉദ്യോഗസ്ഥര് മടങ്ങി. അരിക്കാഞ്ചിറ കനോലി കനാലിന് സമീപത്താണ് കഴിഞ്ഞ നാലു ദിവസമായി തലയില് കുപ്പി കുടുങ്ങി ഭീകരാന്തരീക്ഷം സൃഷ്ടിച്ച കുറുക്കനെ രക്ഷിക്കാന് വനംവകുപ്പ് ഉദ്യോഗസ്ഥര് എത്തിയത്. കനോലി കനാലിന് സമീപത്തെ വളവത്ത് നസറുവിന്റെ വീടിന്റെ പരിസരത്താണ് തലയില് കുപ്പി കുടുങ്ങിയ നിലയില് കുറുക്കനെ കണ്ടത്.
സംഭവം ശ്രദ്ധയില്പ്പെട്ട ഉടനെ നാട്ടുകാര് രക്ഷപ്പെടുത്താന് ശ്രമം നടത്തിയെങ്കിലും പരാജയപ്പെടുകയായിരുന്നു. നാലു ദിവസമായി ഭക്ഷണം കഴിക്കാനാവാതെ അലഞ്ഞ കുറുക്കന് ഭീകരാന്തരീക്ഷം സൃഷ്ടിക്കാന് തുടങ്ങി. ഇതോടെയാണ് നിലമ്പൂര് നോര്ത്ത് ഡിവിഷനിലെ റാപിഡ് റെസ്പോണ്സ് ടീമിനെ വിവരമറിയിച്ചത്.