ഇടുക്കി: പൊന്മുടി ജലാശയത്തില് കുളിക്കാനിറങ്ങിയ വിദ്യാര്ത്ഥിയെ കാണാതായി. കള്ളിമാലി ഭാഗത്ത് കുളിക്കാനിറങ്ങിയ മൂന്നാര് എന്ജിനീയറിങ് കോളജ് വിദ്യാര്ത്ഥി അലന് (18) നെയാണ് കാണതായത്. വൈകുന്നേരത്തോടെയാണ്
സംഭവം. കുരുവിളസിറ്റി കയ്യാലക്കല് പരേതനായ ഡിക്സ്ന്റെയും ചിന്നക്കനാലില് സ്വകാര്യ സ്കൂളില് അധ്യാപികയായ സുജാതയുടെയും മകനാണ് അലന്.
അഞ്ച് സുഹൃത്തുക്കള്ക്കൊപ്പം കള്ളിമാലി വാരിയാനിപ്പടി ഭാഗത്ത് ജലാശയത്തില് കുളിക്കാനെത്തിയതായിരുന്നു. കരയില് എത്തിയപ്പോള് തന്നെ വെള്ളത്തിലേയ്ക്ക് എടുത്തുചാടുകയായിരുന്നുവെന്ന് ഒപ്പമുണ്ടായിരുന്നവര് പറയുന്നു. സുഹൃത്തുക്കള് ബഹളം വെച്ചതിനെ തുടര്ന്ന് സമീപവാസികള് എത്തി തിരച്ചില് നടത്തിയെങ്കിലും കണ്ടെത്താനായിട്ടില്ല. തുടര്ന്ന് അടിമാലി ഫയര്ഫോഴ്സ് യൂണിറ്റും രാജാക്കാട് പോലീസും സ്ഥലത്തെത്തി തിരച്ചില് തുടരുകയാണ്.
