കൊക്കയാര് : കൈക്കൂലിക്കേസില് വിജിലന്സിന്റെ പിടിയിലായ സി.പി.ഐ പ്രവര്ത്തകനായ കെ.എല്. ദാനിയേല് കൊക്കയാര് ഗ്രാമപഞ്ചായത്ത് വൈസ് പ്രസിഡന്റ് സ്ഥാനം രാജിവെച്ചു. ഗ്രാമപഞ്ചായത്ത് സെക്രട്ടറിക്ക് ദാനിയേല് രാജിക്കത്ത് നല്കി. ജയില്വാസത്തിന് ശേഷം പുറത്തിറങ്ങിയ ഇദ്ദേഹത്തിനെതിരെ പ്രതിപക്ഷം അവിശ്വാസ പ്രമേയത്തിന് നോട്ടീസ് നല്കിയിരുന്നു. അവിശ്വാസം 30ന് ചര്ച്ചചെയ്യാന് ബി.ഡി.ഒ അംഗങ്ങള്ക്ക് വ്യാഴാഴ്ച നോട്ടീസ് നല്കിയതിന് പിന്നാലെ വെള്ളിയാഴ്ച ഉച്ചയോടെയാണ് ദാനിയേല് സ്ഥാനം രാജിവെച്ചത്. ദാനിയേലിനെ സി.പി.ഐ പാര്ട്ടിയുടെ ഔദ്യോഗിക സ്ഥാനങ്ങളില്നിന്നും നീക്കിയിരുന്നു.
