കൊല്ലം: ബൈക്കിൽ ലിഫ്റ്റ് ചോദിച്ച് വാങ്ങി കവർച്ച നടത്തിയ സഹോദരങ്ങൾ അറസ്റ്റിൽ. മുണ്ടയ്ക്കൽ മുനിസിപ്പൽ കോളനിയിൽ വൈരമുത്തു (30), സഹോദരൻ മുത്തുകൃഷ്ണൻ (29) എന്നിവരാണ് അറസ്റ്റിലായത്. ഈസ്റ്റ് പോലീസാണ് അറസ്റ്റ് ചെയ്തത്. ഈ മാസം മൂന്നിന് വൈകീട്ട് അഞ്ചോടെ മുണ്ടയ്ക്കൽ ക്ഷേത്രത്തിന് സമീപത്താണ് സംഭവം. ഇരവിപുരം സ്വദേശിയായ വിഘ്നേഷിന്റെ ബൈക്കിൽ ലിഫ്റ്റ് വാങ്ങി ഇരുവരും കയറുകയും യുവാവിനെ ഭീഷണിപ്പെടുത്തി കടവൂരിലെത്തിച്ച് പണം കവർച്ച നടത്തുകയുമായിരുന്നു.
യുവാവിന്റെ പരാതിയുടെ അടിസ്ഥാനത്തിൽ ഈസ്റ്റ് പോലീസ് കേസ് രജിസ്റ്റർ ചെയ്ത് നടത്തിയ അന്വേഷണത്തിലാണ് സഹോദരങ്ങൾ പിടിയിലായത്. ഈസ്റ്റ് ഇൻസ്പെക്ടർ അനിൽകുമാറിന്റെ നേതൃത്വത്തിൽ എസ്.ഐമാരായ രഞ്ചു, വിഷ്ണു, സി.പി.ഒ അനു എന്നിവരടങ്ങിയ സംഘമാണ് ഇവരെ പിടികൂടിയത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
