ഗുജറാത്ത : കച്ച് ജില്ലയില് നിന്നും മൂന്ന് പാകിസ്താനി ബോട്ടുകള് പിടിച്ചെടുത്ത് ബിഎസ്എഫ്. ഭുജ് അതിര്ത്തിയിലുള്ള സുരക്ഷാ ഉദ്യോഗസ്ഥര് കച്ചിലെ ഹറാമി നള ക്രീക്ക് മേഖലയില് നിന്നാണ് പാക് ബോട്ടുകള് പിടികൂടിയത്. പട്രോളിങ്ങിനിടെയാണ് പാക് ബോട്ടുകളുടെ സാന്നിധ്യം ബിഎസ്എഫിന്റെ ശ്രദ്ധയില്പ്പെട്ടത്. ഉടന് തന്നെ അവ പിടിച്ചെടുക്കുകയായിരുന്നു. എന്നാല് സുരക്ഷാ ഉദ്യോഗസ്ഥര് എത്തുന്നത് കണ്ടതോടെ പാക് ബോട്ടുകളിലുണ്ടായിരുന്ന മത്സ്യത്തൊഴിലാളികള് ബോട്ട് ഉപേക്ഷിച്ച് കടന്നുകളഞ്ഞു. ഇവര്ക്കായുള്ള തിരച്ചില് തുടരുകയാണ്.
