തിരുവനന്തപുരം : ലോകകേരളസഭയില് അനിതപുല്ലയില് എത്തിയതില് സഭ ടിവിയിലെ നാലു പേര്ക്കെതിരെ നടപടി. പുരാവസ്തു തട്ടിപ്പ് കേസില് ആരോപണ വിധേയയായ അനിത പുല്ലയില് സഭാമന്ദിരത്തില് കടന്നത് പാസില്ലാതെയെന്ന് സ്പീക്കര് എം.ബി രാജേഷ്. നാലുപേര്ക്കെതിരെ നടപടിയെടുക്കും. വീഴ്ച ബോധ്യപ്പെട്ടെന്നും സ്പീക്കര് പറഞ്ഞു. ലോക കേരള സഭ നടന്ന രണ്ടു ദിവസവും അനിത നിയമസഭാസമുച്ചയത്തില് ഉണ്ടായിരുന്നു.
സഭാ ടിവിക്കു സാങ്കേതികസേവനം നല്കുന്ന ജീവനക്കാരിക്കൊപ്പമാണ് അവര് കയറിയത്. ഉത്തരവാദികളായ നാലുപേരെ സഭാ ടിവി ചുമതലകളില് നിന്ന് നീക്കി. ഓപ്പണ് ഫോറത്തില് പങ്കെടുക്കാനുള്ള പാസുമായാണ് അനിത സഭാ വളപ്പിലെത്തിയത്. പൊതുക്ഷണപത്രമാണ് ഓപ്പണ് ഫോറത്തിന് നല്കിയതെന്നും സ്പീക്കര് പറഞ്ഞു. അനിത പുല്ലയിലിന്റെ 2021 ലെ അഭിമുഖം സഭ ടി.വി യുടെ ഒ.ടി.ടിയില് നിന്ന് മാറ്റുന്നത് എന്ന് പരിശോധിക്കും. സഭ ടി.വിയുടെ ഒ.ടി.ടി സാങ്കേതിക സഹായം പൂര്ണമായും നിയമസഭ ഐ.ടി. വിഭാഗത്തിന് കൈമാറും
