മുംബൈ : മഹാരാഷ്ട്രയിലെ മുംബൈയില് നായിക് നഗറില് നാലുനില കെട്ടിടം തകര്ന്നു വീണു. വിവരം ലഭിച്ചയുടന് സ്ഥലത്തെത്തിയ അഗ്നിശമന സേനാംഗങ്ങളും പോലീസുകാരും കെട്ടിടത്തിനുള്ളില് കുടുങ്ങിക്കിടക്കുന്നവരെ രക്ഷിക്കാനുള്ള ശ്രമങ്ങള് തുടരുന്നതായിട്ടാണ് റിപ്പോര്ട്ടുകള്. രക്ഷാപ്രവര്ത്തനം തുടരുകയാണെന്ന് സിവില് ബോഡി ഉദ്യോഗസ്ഥരും അറിയിച്ചു. അഗ്നിശമന സേനയും പോലീസും സ്ഥലത്തെത്തി അവശിഷ്ടങ്ങള്ക്കിടയില് കുടുങ്ങിക്കിടന്നവരെ രക്ഷപ്പെടുത്തുകയാണ്.
റിപ്പോര്ട്ടുകളുടെ അടിസ്ഥാനത്തില് ഇതുവരെ 8 പേരെ രക്ഷപ്പെടുത്തിയിട്ടുണ്ട് എന്നാണ്. ഇവരുടെ നില തൃപ്തികരമാണ് എന്നാണ് റിപ്പോര്ട്ട്. ഒരു മരണം റിപ്പോര്ട്ട് ചെയ്തിട്ടുണ്ട്. കുറഞ്ഞത് 20 മുതല് 25 വരെ പേര് കുടുങ്ങിക്കിടക്കുന്നതിനുള്ള സാധ്യത ഉണ്ടെന്നാണ് റിപ്പോര്ട്ട്. കുറച്ചു ദിവസം മുന്പ് മഹാരാഷ്ട്രയിലെ ബാന്ദ്ര വെസ്റ്റിലെ ശാസ്ത്രി നഗറില് ബഹുനില കെട്ടിടം തകര്ന്ന് ഒരാള് മരിക്കുകയും 19 പേര്ക്ക് പരിക്കേല്ക്കുകയും ചെയ്തിരുന്നു.