കൊച്ചി : കുപ്രസിദ്ധ ബുള്ളറ്റ് മോഷ്ടാവ് നാഗര് കോവില് സ്വദേശി ഹരേന്ദര് ഇര്വിന് എന്ന ഡോ.ബെന്നി പോലീസ് പിടിയിലായി. കേരളത്തിലെ വിവിധ ജില്ലകളില് ഇയാള് ബുള്ളറ്റുകള് മോഷ്ടിച്ചിട്ടുണ്ട്. കഴിഞ്ഞ ദിവസം ഒലവക്കോട് പിടിയിലായ രണ്ട് പേര് അഞ്ച് ബുള്ളറ്റുകള് മോഷ്ടിച്ചതായി തെളിഞ്ഞിരുന്നു. ഇവര്ക്ക് ബൈക്കിന്റെ രേഖകള് ശരിയാക്കി കൊടുത്തത് ഡോ.ബെന്നിയാണ്. വാഴക്കാലയില് ആയുര്വേദ ഡോക്ടറെന്ന പേരിലാണ് ഇയാള് താമസിച്ചിരുന്നത്.
കൂട്ടാളികള് അറസ്റ്റിലായതറിഞ്ഞ് ഇയാള് മുങ്ങി. തുടര്ന്ന് സി.സി.ടി.വി ദൃശ്യങ്ങള് പരിശോധിച്ചാണ് ഇയാളെ പാലാരിവട്ടം പോലീസ് കുടുക്കിയത്. സി.ഐ സനില്, സി.ഐ രതീഷ് എന്നിവരുടെ നേതൃത്വത്തില് കോയമ്പത്തൂരില് നിന്നാണ് ഇയാളെ വലയിലാക്കിയത്. തിരുപ്പൂരില് ഇയാള് മസാജ് പാര്ലറും നടത്തുന്നുണ്ട്. കലൂര് സ്റ്റേഡിയത്തിന് സമീപം നിന്ന് ഏപ്രില് എട്ടിന് മോഷണം പോയ ബൈക്കിനെക്കുറിച്ചുള്ള വിവരങ്ങളും ഇയാളില് നിന്ന് ലഭിച്ചിട്ടുണ്ട്.
