ചെന്നൈ: ബുറേവി ചുഴലിക്കാറ്റില് തമിഴ്നാട്ടില് 17 മരണം. തെക്കന് ജില്ലകളില് വ്യാപകകൃഷിനാശമാണ് റിപ്പോര്ട്ട് ചെയ്യപ്പെടുന്നത്. നിരവധി വീടുകള് തകര്ന്നു.
കേരളത്തില് ജാഗ്ര തുടരണമെന്നാണ് കാലാവസ്ഥാന നിരീക്ഷണ കേന്ദ്രത്തിന്റെ നിര്ദ്ദേശം. സംസ്ഥാനത്ത് ഒറ്റപ്പെട്ട കനത്ത മഴക്ക് സാധ്യതയുണ്ട് മത്സ്യബന്ധനത്തിന് ഇന്നും വിലക്കുണ്ട്.
അതിതീവ്ര ന്യൂനമര്ദം കഴിഞ്ഞ 30 മണിക്കൂറായി രാമനാഥപുരത്തിന് സമീപമായി 9.1° N അക്ഷാംശത്തിലും 78.6°E രേഖാംശത്തിലും തന്നെ തുടരുകയാണ്. ഇത് രാമനാഥപുരത്ത് നിന്ന് 40 കിമീ ദൂരത്തിലും, പാമ്പനില് നിന്നും 70 കിമീ ദൂരത്തിലുമാണ്. നിലവില് അതിതീവ്ര ന്യൂനമര്ദത്തിന്റെ പരമാവധി വേഗത മണിക്കൂറില് 40 മുതല് 50 കിമീ വരെയും ചില അവസരങ്ങളില് 60 കിമീ വരെയുമാണ്.
