അടൂര് : അടൂരില് ആളില്ലാത്ത വീട്ടില് നിന്നും സ്വര്ണ്ണവും പണവും മോഷ്ടിച്ചു. മോഷണത്തിന് ശേഷം വീടിനുള്ളില് ഇരുന്ന് മദ്യപിച്ചതിന് ശേഷമാണ് മോഷ്ടാവ് മടങ്ങിയതെന്ന് പോലീസ് പറഞ്ഞു. അടൂര് പുതുശ്ശേരി ഭാഗം നെല്ലുവിള കൊട്ടേജില് രാജുവിന്റെ വീട്ടിലാണ് മോഷണം നടന്നത്. അറുപതിനായിരം രൂപയും പതിനഞ്ച് ഗ്രാം സ്വര്ണ്ണവും മോഷ്ടിച്ചു. രാവിലെ ജോലിക്കാരി എത്തിയപ്പോഴാണ് വീട്ടില് മോഷണം നടന്ന വിവരം അറിയുന്നത്. വീടിന് പിന്നിലെ മതില് ചാടിക്കടന്ന് അടുക്കള വാതിലിലെ ഗ്രില്ലിന്റെ പൂട്ട് പൊളിച്ച കള്ളന് വീടിനുള്ളില് കയറി മോഷണം നടത്തുകയായിരുന്നു. അലമാരകള് തുറന്ന് വലിച്ച് വാരി ഇടുകയും ചെയ്തു. മോഷണത്തിന് ശേഷം വീടിനുള്ളില് ഇരുന്ന് മദ്യപിച്ച കള്ളന് മദ്യക്കുപ്പികളും സ്ഥലത്ത് ഉപേക്ഷിച്ചിരുന്നു. ഏനാത്ത് പോലീസും ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
