പൊള്ളലേറ്റ് ചികിത്സയിലായിരുന്ന കുട്ടി മരിച്ചു

പത്തനംതിട്ട : പൊള്ളലേറ്റ് ചികിത്സയിലായിരുന്ന കുട്ടി മരിച്ചു. ആറന്‍മുള ഇടയാറന്മുള നോര്‍ത്ത് കോഴിപ്പാലത്ത് ശ്രീ വൃന്ദത്തില്‍ വിനീത് ശ്യാമ ദമ്പതികളുടെ മകള്‍ ആദിശ്രീ (3) ആണ് മരിച്ചത്. ഇക്കഴിഞ്ഞ ആറിന് പുലര്‍ച്ചെയാണ് സംഭവം. ആദിശ്രീയും മാതാവ് ശ്യാമയും കിടന്നുറങ്ങുന്നതിനിടയിലാണ് സംഭവം. ഗുരുതര പൊള്ളലേറ്റ ഇരുവരെയും പത്തനംതിട്ട സ്വകാര്യ ആശുപത്രിയിലും പിന്നീട് തിരുവനന്തപുരത്തെ സ്വകാര്യ ആശുപത്രിയിലും പ്രവേശിപ്പിച്ചെങ്കിലും വ്യാഴാഴ്ച രാത്രിയോടെ ആദിശ്രീ മരണപ്പെടുകയായിരുന്നു. ശ്യാമയുടെ ആരോഗ്യനില ഇപ്പോഴും ഗുരുതരമായി തുടരുന്നു.