പെരുമ്പാവൂർ : അസം സ്വദേശിയായ അതിഥിത്തൊഴിലാളിയെ കുത്തിക്കൊലപ്പടുത്താൻ ശ്രമിച്ച കേസിൽ പ്രതി പിടിയിൽ. അസം ഗിലാമാറ സ്വദേശി രാജു ഫൂക്കാൻ (സൂര്യ-25) ആണ് പെരുമ്പാവൂർ പോലീസിന്റെ പിടിയിലായത്. വല്ലത്തെ പ്ലൈവുഡ് കമ്പനിയിൽ തിങ്കളാഴ്ച രാത്രിയാണ് സംഭവം. മുഖത്തും കഴുത്തിനും കുത്തേറ്റ ദീപ് ജ്യോതി എന്ന തൊഴിലാളി ആശുപത്രിയിൽ ചികിത്സയിലാണ്.
ഇരുവരും കമ്പനിയിലെ തൊഴിലാളികളാണ്. കടം നൽകിയിരുന്ന പണം തിരികെ നൽകാതിരുന്നതിലുള്ള വിരോധമാണ് ആക്രമണത്തിന് പിന്നിലെന്ന് പോലീസ് പറഞ്ഞു. പരീത് എന്നയാളുടെ ഉടമസ്ഥതയിലുള്ളതാണ് പ്ലൈവുഡ് കമ്പനി. ഇൻസ്പെക്ടർ ആർ. രഞ്ജിത്ത്, എസ്.ഐ. ജോസി എം., ജോൺസൺ, എസ്. സി.പി.ഒ. മാരായ നൗഷാദ്, നാദിർഷാ, ജമാൽ, ജിഞ്ചു കെ. മഞ്ഞായി എന്നിവരുടെ നേതൃത്വത്തിലാണ് പ്രതിയെ പിടികൂടിയത്.
