കുന്നംകുളം : അഞ്ചുകിലോമീറ്ററോളം കാറിനു പുറകില് നിര്ത്താതെ ഹോണടിച്ചതിനെ തുടര്ന്നുണ്ടായ മാനസിക സംഘര്ഷത്തില് കാര് യാത്രികനു അപസ്മാരം. തിരുവനന്തപുരം സ്വദേശി രാജ്ഭവന് വീട്ടില് വിമല് രാജിനെ (38) കുന്നംകുളത്തെ സ്വകാര്യ ആശുപത്രിയില് പ്രവേശിപ്പിച്ചു.
സംഭവത്തില് പരാതി നല്കിയതിനെ തുടര്ന്ന് ബസ് കസ്റ്റഡിയിലെടുത്ത് ഡ്രൈവര് തൃശൂര് സ്വദേശി ഭക്തരാജിനെ കുന്ദംകുളം പോലീസ് അറസ്റ്റുചെയ്തു. ശനിയാഴ്ച രാത്രി ഏഴരയോടെയാണ് സംഭവം. തൃശൂര്-ഗുരുവായൂര് റൂട്ടില് സര്വീസ് നടത്തുന്ന വെണ്ണിലാവ് ബസാണ് അഞ്ച് കിലോമീറ്ററോളം നിര്ത്താതെ ഹോണ് അടിച്ചത്. കേച്ചേരിയില് വച്ച് യുവാവിന് അപസ്മാരം ഉണ്ടായത്. തുടര്ന്ന് ഓടിക്കൂടിയ നാട്ടുകാര് കാര് യാത്രികനെ ആശുപത്രിയില് പ്രവേശിപ്പിക്കുകയായിരുന്നു.
