തൃശൂര്: ചാലക്കുടിയില് വീണ്ടും ചുഴലിക്കാറ്റ്. നിരവധി വീടുകള്ക്ക് കേടുപാടുകള് സംഭവിച്ചു. പടിഞ്ഞാറേ ചാലക്കുടിയിലും മുരിങ്ങൂരിലുമായിരുന്നു കാറ്റ് വീശിയത്. ചാലക്കുടി പുഴയുടെ രണ്ട് തീരങ്ങളിലായാണ് കാറ്റ് ആഞ്ഞടിച്ചത്. രാവിലെയോടെയായിരുന്നു സംഭവം. കാറ്റില് നിരവധി മരങ്ങള് കടപുഴകി വീണു. വൈദ്യുതി പോസ്റ്റുകളും തകര്ന്ന് വീണിട്ടുണ്ട്. ഇതേ തുടര്ന്ന് പ്രദേശങ്ങളില് വൈദ്യുതി തടസ്സപ്പെട്ടു.
പ്രളയത്തിന് ശേഷം ഇത് നാലാം തവണയാണ് ചാലക്കുടിയില് ചുഴലിക്കാറ്റ് വീശുന്നത്. ഈ വര്ഷം ജനുവരിയിലും ചാലക്കുടിയില് ചുഴലിക്കാറ്റ് വീശിയിരുന്നു. ചാലക്കുടി ഗവണ്മെന്റ് മോഡല് ബോയ്സ് ഹയര്സെക്കന്ഡറി സ്കൂള് മൈതാനത്തായിരുന്നു കാറ്റ് വീശിയിരുന്നത്. അതിന് മുന്പ് രണ്ട് തവണ ചുഴലിക്കാറ്റ് ആഞ്ഞടിച്ചപ്പോഴും വ്യാപക നാശനഷ്ടങ്ങളാണ് ഉണ്ടായത്.
