കാബേജ് ചിലരുടെ പ്രിയപ്പെട്ട പച്ചക്കറിയാണ്. അത് തോരൻ ഉണ്ടാക്കുന്നതിനും സാലഡ് ഉണ്ടാക്കുന്നതിനും ഉപയോഗിക്കുന്നു. എന്നാൽ നമ്മളിൽ പലരും അത് കടകളിൽ നിന്നോ അല്ലെങ്കിൽ മാർക്കറ്റുകളിൽ നിന്നോ ആണ് വാങ്ങിക്കുന്നത്. ഇനി മുതൽ നമുക്ക് കാബേജ് വീട്ടിൽ തന്നെ കൃഷി ചെയ്ത് നോക്കിയാലോ? എങ്ങനെ ചെയ്യും എന്നോർത്ത് വിഷമിക്കേണ്ട. കാബേജ് ഒരു തണുത്ത കാലാവസ്ഥയിൽ വളരുന്ന വിളയാണ്. കേരളത്തിൽ ഒക്ടോബർ-ഡിസംബർ മാസങ്ങളിൽ നമുക്ക് കൃഷി ചെയ്യാം. ജൈവകൃഷി രീതികൾ ഉപയോഗിച്ച് കാബേജ് കൃഷി ചെയ്യുന്നതിനുള്ള ഒരുക്കങ്ങൾ നമുക്ക് ആരംഭിക്കാവുന്നതാണ്.
നിങ്ങൾക്ക് എവിടെയും ഏത് സീസണിലും കാബേജ് അല്ലെങ്കിൽ കോളിഫ്ലവർ വളർത്താം. ചെടി വളർത്തിയാൽ മതി. അത് 2 മാസം പ്രായമാകുമ്പോൾ ആഴ്ചയിൽ 2-3 തവണ ഐസ് വെള്ളം ചെടിയുടെ തലയ്ക്ക് മുകളിൽ തളിക്കുക. ഇത് കാബേജിന്റെ വളർച്ച ഉറപ്പാക്കും. അവയുടെ വിത്തുകൾ ഉപയോഗിച്ച് നമുക്ക് ചെറിയ കാബേജ് ചെടികൾ ഉണ്ടാക്കാം, പക്ഷേ തൈകൾ തയ്യാറാക്കുന്നത് എളുപ്പമല്ല. അത് കൊണ്ട് തന്നെ കൃഷിക്കായി കാബേജ് തൈകൾ വാങ്ങാം. ഇത് ഒരു സീസണൽ വിളയാണ്. മികച്ച ഫലങ്ങൾ ലഭിക്കാൻ തണുത്ത കാലാവസ്ഥ അനിവാര്യമാണ്. കേരളത്തിൽ ഒക്ടോബർ-ഡിസംബർ മാസങ്ങളാണ് സീസണൽ വിളകൾ കൃഷി ചെയ്യാൻ അനുയോജ്യം.
വിത്തുകൾ
കാബേജ് തൈകൾ വിവിധ സ്രോതസ്സുകളിൽ നിന്ന് വാങ്ങാവുന്നതാണ്. vfpck (പച്ചക്കറി, പഴം പ്രമോഷൻ കൗൺസിൽ കേരളം) ഔട്ട്ലെറ്റുകൾ, kvk (കൃഷി വിഞ്ജാന കേന്ദ്രം), തിരഞ്ഞെടുത്ത കാർഷിക ഓഫീസുകൾ (കൃഷിഭവനുകൾ) എന്നിവയിലൂടെ ലഭ്യമാണ്. നിങ്ങൾ കൃഷിഭവൻ അക്കൗണ്ടുകളുടെ ഫേസ്ബുക്ക് പ്രൊഫൈലുകൾ പിന്തുടർന്നാൽ കാബേജ് തൈകളുടെ ലഭ്യതയെക്കുറിച്ചുള്ള വിവരങ്ങള് മനസിലാക്കാം. കാബേജിന്റെ തൈകൾ വാങ്ങിക്കഴിഞ്ഞാൽ ഗ്രോ ബാഗുകളോ മണ്ണോ കൃഷിക്കായി തയ്യാറാക്കാം. പ്രാണികളുടെ ആക്രമണം കുറയും എന്നതിനാൽ ഗ്രോ ബാഗുകൾ നല്ലതാണ്.
ഗ്രോ ബാഗുകളിൽ പോട്ടിംഗ് മിശ്രിതം നിറച്ച് കാബേജ് കൃഷി തുടങ്ങാവുന്നതാണ്. വളർച്ചയ്ക്ക് ജൈവ കീടനാശിനികളും വളങ്ങളും പ്രയോഗിക്കാം. അല്ലെങ്കിൽ ചെറിയ കുഴി എടുത്ത് അതിലേക്ക് എല്ല് പൊടി, വേപ്പിൻ പിണ്ണാക്ക്, ചാണകപ്പൊടി എന്നിവ ഇട്ട് ചാണകപ്പൊടി ഇടാവുന്നതാണ്. ശേഷം കാബേജ് തൈകൾ നടാം. മിതവായി നനച്ച് വളർത്താം. മികച്ച ഫലം ലഭിക്കുന്നതിന്, സീസണൽ വിളകളിൽ അതിരാവിലെ ഐസ് വാട്ടർ സ്പ്രേ ചെയ്യാവുന്നതാണ്.