റാന്നി : ആശ്രമ അന്തേവാസികൾക്ക് ചിത്രരചനാ ക്യാമ്പുകളും ഗാനങ്ങളും പോലുള്ള പരിപാടികള്‍ മാനസിക ഉല്ലാസം പകരുമെന്ന് മുൻ ജില്ലാ പഞ്ചായത്ത് പ്രസിഡൻ്റ് ഡോ.സജി ചാക്കോ. റാന്നി അഞ്ചു കുഴി പ്രത്യാശാ ഭവനിൽ നടന്ന ചിത്രരചനാ ക്യാമ്പ് ഉത്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം. നാറാണംമൂഴി പഞ്ചായത്ത് പ്രസിഡൻ്റ് ബിനാ ജോബി സമ്മേളനത്തിൽ അദ്ധ്യക്ഷത വഹിച്ചു.
പ്രസിദ്ധ ചിത്രകാരൻന്മാരും ചിത്രകാരികളും പ്രത്യാശാ ഭവനിലെ അന്തേവാസികളെ ചിത്രരചനാ പഠിപ്പിക്കുവാനെത്തി. റവ:ഫാ. കൊച്ചു കോശി ഏബ്രഹാം, നാറാണംമൂഴി പഞ്ചായത്ത് വൈസ് പ്രസിഡൻ്റ് രാജൻ നിറാം പ്ലാക്കൽ, സുവിശേഷകൻ തോമസ് കുട്ടി പുന്നൂസ്, ഷാജി തേക്കാട്ടിൽ, ഡോ.ബിജു മാത്യു കട്ടപ്പന, ജേക്കബ്ബ് പുന്നമൂട്ടിൽ, ഫിലിപ്പോസ് കൂടൽ, വെസ്ലി തെങ്ങുംകാലായിൽ എന്നിവർ പ്രസംഗിച്ചു.
