ഡല്ഹി : കാനഡയില് പഠനത്തിനായി എത്തുന്ന അന്തര്ദേശീയ വിദ്യാര്ഥികളുടെ പങ്കാളികള്ക്കുള്ള വര്ക്ക് പെര്മിറ്റുകള്ക്ക് നിയന്ത്രണം ഏര്പ്പെടുത്താനുള്ള കാനഡയുടെ തീരുമാനം ഇന്ത്യക്കാര്ക്ക് പ്രത്യേകിച്ച് പഞ്ചാബില് നിന്നുള്ളവര്ക്ക വലിയ തിരിച്ചടിയാണ് സമ്മാനിച്ചത്. പങ്കാളികള്ക്കുള്ള വര്ക്ക് പെര്മിറ്റ് മാസ്റ്റേഴ്സ്, ഡോക്ടറല് പ്രോഗ്രാമുകളിലും മെഡിസിന്, നിയമം പോലെയുള്ള പ്രഫഷണല് പ്രോഗ്രാമുകളിലും മാത്രമായി ചുരുക്കാനായിരുന്നു കാനഡ തീരുമാനിച്ചത്. വിദേശ വിദ്യാര്ത്ഥികളുടെ എണ്ണം നിയന്ത്രിക്കുന്നതിന്റ ഭാഗമായിട്ട് കൂടിയായിരുന്ന നടപടി. തീരുമാനം സ്പൗസ് വിസ ഉപയോഗപ്പെടുത്താന് ലക്ഷ്യമിട്ട് ഡിപ്ലോമ കോഴ്സുകളില് ചേര്ന്നവര്ക്കാണ് വലിയ തിരിച്ചടിയായത്. പങ്കാളി വര്ക്ക് പെര്മിറ്റില് ജോലി നേടാന് ലക്ഷ്യം വെച്ച് ഉറപ്പിച്ചിരുന്ന വിവാഹങ്ങള് പോലും പ്രതിസന്ധിയിലാകുന്ന സാഹചര്യം ഉണ്ടായിരുന്നു.
അതേസമയം മാര്ച്ച് 19 ന് മുന്പ് അപേക്ഷ സമര്പ്പിച്ചവരാണ് നിങ്ങളെങ്കില് തീര്ച്ചയായും നിങ്ങളുടെ പങ്കാളിയെ ഒപ്പം കൊണ്ടുവരാനുള്ള അവസരം ഇപ്പോഴും നിലനില്ക്കുന്നുണ്ട്. മാത്രമല്ല ചില പ്രൊഫഷണല് കോഴ്സില് ചേര്ന്നവരുടെ പങ്കാളികള്ക്കും വിസ പെര്മിറ്റിന് അനുമതി ഉണ്ട്. മാര്ച്ച് 18 ന് ശേഷം അപേക്ഷിച്ചവരെങ്കില് ഇതരവഴികള് നിങ്ങള്ക്ക് നിലവില് ഉണ്ട്. പഠനം പൂര്ത്തിയാക്കി വര്ക്ക് പെര്മിറ്റിന് അര്ഹത നേടി പങ്കാളികളെ കൂടെ കൊണ്ടുപോകാം. അല്ലെങ്കില് മാസ്റ്റേഴ്സ്, അല്ലെങ്കില് പിഎച്ച്ഡി പ്രോഗ്രാമുകള്ക്ക് രജിസ്റ്റര് ചെയ്യാം. ഇവര്ക്ക് വളരെ വേഗത്തില് തന്നെ സ്പൗസ് വിസ ലഭിക്കും. മറ്റ് പ്രോഗ്രാമുകളിലേക്ക് മാറാന് സാധിക്കാത്ത വിദ്യാര്ത്ഥികള്ക്ക് സന്ദര്ശക വിസയില് പങ്കാളികളെ കൊണ്ടുവരാം, അല്ലെങ്കില് വര്ക്ക് പെര്മ്മിറ്റിനായി എല്എംഐഎയ്ക്ക് ശ്രമിക്കാം. അതേസമയം പങ്കാളികള്ക്ക് വര്ക്ക് പെര്മിറ്റിന് അനുമതി ലഭിക്കില്ല.