റാന്നി : വെച്ചൂച്ചിറ ഗ്രാമപഞ്ചായത്ത് വാർഷിക പദ്ധതിയിൽ ഉൾപ്പെടുത്തി വെച്ചൂച്ചിറ സാമൂഹിക ആരോഗ്യ കേന്ദ്രത്തില് ക്യാൻസർ നിർണയ ക്യാമ്പ് നടത്തി. പഞ്ചായത്ത് പ്രസിഡന്റ് റ്റി കെ ജയിംസ് ക്യാമ്പ് ഉദ്ഘാടനം ചെയ്തു. ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്സന് രമാദേവി അദ്ധ്യക്ഷത വഹിച്ചു. ബ്ലോക്ക് പഞ്ചായത്തംഗം സതീഷ് കെ. പണിക്കർ, നിഷാ അലക്സ്, പൊന്നമ്മ ചാക്കോ, ഡോ. ആശിഷ് പണിക്കർ, ടി.കെ രാജൻ സിറിയക് തോമസ്, ജോയി ജോസഫ്, എസ് പ്രസന്ന എന്നിവര് പ്രസംഗിച്ചു. ക്യാൻസർ ചികിത്സാ വിഭാഗം ജില്ലാ ഡയറക്ടർ ഡോ. ശശിധരൻപിള്ള ക്യാമ്പിന് നേതൃത്വം നൽകി. ആശ പ്രവർത്തകരുടെ നേതൃത്വത്തിൽ ഭവന സന്ദർശനം നടത്തിയാണ് ക്യാമ്പില് പങ്കെടുക്കാനുള്ള നൂറ്റിയന്പതോളം ഗുണഭോക്താക്കളെ നിശ്ചയിച്ചത്.
