റാന്നി : പ്രായ പൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് അമ്മയുടെ കാമുകനായ യുവാവ് പോലീസ് പിടിയില്. ഇടമണ് കോതാനി പാട്ടത്തില് പാപ്പന്റെ മകന് പി.പി സുരേഷ്(40) ആണ് റാന്നി പോലീസിന്റെ പിടിയിലായത്. സ്കൂളില് കൗണ്സിലിംഗിനിടെ അധികൃതരോട് പെൺകുട്ടി വിവരം വെളിപ്പെടുത്തിയതിനെ തുടർന്ന് ചൈല്ഡ് ലൈന് ഇടപെട്ടാണ് കേസെടുത്തത്.
കുട്ടിയുടെ അമ്മയുടെ ഒപ്പം ദീര്ഘകാലമായി താമസിച്ചിരുന്ന യുവാവാണ് പിടിയിലായത്. വീട്ടില് ആരും ഇല്ലാതിരുന്ന സമയത്താണ് പതിമൂന്നുകാരിയെ പീഡിപ്പിക്കാന് ഇയാള് ശ്രമിച്ചതെന്ന് പോലീസ് പറഞ്ഞു. യുവാവുമായുള്ള ബന്ധത്തിന്റെ പേരില് കുട്ടികളുടെ അച്ചന് ബന്ധം ഉപേക്ഷിച്ചിരുന്നു. ഇവരെ മന്ദമരുതിക്കു സമീപം വീടെടുത്ത് നാളുകളായി യുവാവാണ് സംരക്ഷിച്ചു പോരുന്നത്.
