കണ്ണൂര് : വീട്ടില് സൂക്ഷിച്ചിരുന്ന 60 കിലോ കഞ്ചാവ് പോലീസ് പിടികൂടി. പരിശോധനയ്ക്കിടെ വീട്ടുടമ ഓടി രക്ഷപ്പെട്ടെങ്കിലും കൂട്ടാളി പിടിയിലായി. ചൊവ്വയിലെ വൈദ്യര് പീടിക സമീപത്തുള്ള ഒളിതാവളത്തില് നിന്നാണ് ഉളിക്കല് സ്വദേശി റോയ് യെ അറസ്റ്റ് ചെയ്തത്. വീട്ടുടമസ്ഥനായ സുഹൃത്ത് ഷാഗില് പോലീസിനെ കണ്ടപ്പോള് ഓടി രക്ഷപെട്ടു. കഞ്ചാവിനൊപ്പം 50000 രൂപയും പരിശോധനയ്ക്കിടെ പോലീസ് പിടിച്ചെടുത്തിട്ടുണ്ട്. നഗരത്തിലും പരിസരപ്രദേശങ്ങളിലും കഞ്ചാവ് വില്പന നടത്തുന്ന സംഘത്തിലെ പ്രധാന കണ്ണികളാണ് പ്രതികള്.
ഏതാനും നാളുകളായി വീട്ടില് നിന്നും കഞ്ചാവ് പാക്ക് ചെയ്തത് ജില്ലയില് വില്പന നടത്തിവരികയായിരുന്നു ഇരുവരും. റോയിയെ ചോദ്യം ചെയ്തതില് നിന്നും കഞ്ചാവ് കടത്തിനെ സംബന്ധിച്ച് ചില നിര്ണായക വിവരങ്ങള് പോലീസിനെ ലഭിച്ചിട്ടുണ്ട്. എസ് ഐ മഹിജന്, എഎസ്ഐ എം.അജയന്, സിപിഒ മാരായ അജിത്ത്, മഹേഷ്, മിഥുന്, ഷിജി എന്നിവരും പോലീസ് സംഘത്തിലുണ്ടായിന്നു. സംഭവത്തില് വിശദമായ ഒരു അന്വേഷണത്തിനാണ് കണ്ണൂര് ടൗണ് പോലീസ് തുടക്കമിട്ടിരിക്കുന്നത്. കണ്ണൂര് നഗരത്തില് വരും ദിവസങ്ങളിലും മയക്കുമരുന്ന് വിതരണ സംഘത്തിലെ കണ്ണികളെ വലയിലാക്കുന്നതിനായി പോലീസ് പരിശോധനകള് ഊര്ജ്ജിതമാക്കും.
