കഞ്ചാവ് വിൽപന : മംഗളൂരുവിൽ 12 മലയാളി കോളേജ് വിദ്യാർത്ഥികൾ അറസ്റ്റിൽ

മംഗളൂരു: കഞ്ചാവ് വില്‍പന നടത്തിയതില്‍ മംഗളൂരുവില്‍ 12 കോളേജ് വിദ്യാര്‍ത്ഥികളെ അറസ്റ്റ് ചെയ്തു. ഇവര്‍ കോളേജിനകത്തും പുറത്തും മയക്കുമരുന്ന് വില്‍ക്കുന്നുണ്ടായിരുന്നു​​വെന്നാണ് പോലീസ് റിപ്പോര്‍ട്ട്. കോളേജില്‍ കഞ്ചാവ് ലഭിക്കുന്നെന്ന വിവരം കിട്ടിയതിനെ തുടര്‍ന്ന് പോലീസ് നടത്തിയ അന്വേഷണത്തിലാണ് ഇവർ അറസ്റ്റിലായത്. വിദ്യാര്‍ത്ഥികളെ സൂതര്‍പേട്ടിലെ ഒരു ഫ്ലാറ്റില്‍ നിന്നാണ് കണ്ടെത്തിയത്. 12 പേരും മലയാളികളാണ്. 20,000 രൂപ വില വരുന്ന 900 ഗ്രാം കഞ്ചാവും പേപ്പറുകളും പൈപ്പും 4,500 രൂപയും 11 മൊബൈല്‍ ഫോണുകളും ഭാരം അളക്കുന്ന മെഷീനും കണ്ടെടുത്തതായി പോലീസ് പറഞ്ഞു. സ്വകാര്യ കോളേജുകളില്‍ പഠിക്കുന്നവരാണ് ഇവര്‍. വിദ്യാര്‍ത്ഥികള്‍ക്കെതിരെ കേസ് രജിസ്റ്റര്‍ ചെയ്തിട്ടുണ്ട്.