തിരുവനന്തപുരം : വിഡി സതീശനെതിരെ വിമര്ശനവുമായി സന്ദീപ് വാര്യര്. ഗോള്വാള്ക്കറേക്കുറിച്ച് നടത്തിയ പരാമര്ശം പിന്വലിക്കണമെന്ന ആര്എസ്എസ് നോട്ടീസ് അവജ്ഞയോടെ തള്ളിയ വിഡി സതീശന് ആര്എസ്എസിനോട് മാപ്പ് പറയേണ്ടി വരുമെന്ന് സന്ദീപ് വാര്യര് പറഞ്ഞു. ഗോള്വാള്ക്കര് പറഞ്ഞ വാചകങ്ങളാണ് സജി ചെറിയാന് ആവര്ത്തിച്ചതെന്ന സതീശന്റെ വാദം കളവാണ്. ആര്എസ്എസ് കേസ് നല്കിയാല് നേരിടും എന്നൊക്കെ മരണ മാസ് ഡയലോഗടിച്ചാല് കയ്യടി കിട്ടുമായിരിക്കും. എന്നാല് ആര്എസ്എസ് നല്കിയ കേസില് മാപ്പ് പറയേണ്ടി വന്ന സീതാറാം കേസരിയെയും ഗാന്ധി വധത്തിന് ആര്എസ്എസ് ഉത്തരവാദിയാണെന്ന് ഞാന് പറഞ്ഞിട്ടില്ലെന്ന് പറയേണ്ടിവന്ന രാഹുല് ഗാന്ധിയെയും സതീശന് ഓര്മ്മ വേണമെന്നും സന്ദീപ് വാര്യര് പറഞ്ഞു. ഫേസ്ബുക്കിലൂടെയായിരുന്നു പ്രതികരണം.
വിഡി സതീശനെതിരെ വിമര്ശനവുമായി സന്ദീപ് വാര്യര്
RECENT NEWS
Advertisment