തിരുവല്ല : അരക്കിലോ കഞ്ചാവുമായി രണ്ട് യുവാക്കള് അറസ്റ്റില്. തിരുവല്ല കോട്ടാലി ആറ്റുചിറയില് വീട്ടില് രതീഷ് (സ്വര്ണപ്പന് – 38), കവിയൂര് മത്തിമല പള്ളിപ്പറമ്ബപില് വീട്ടില് ജോഷി (ജോമോന് – 39) എന്നിവരാണ് ഡാന്സാഫ് സംഘത്തിന്റെ പിടിയിലായത്. സ്കൂള് – കോളജ് വിദ്യാര്ത്ഥികള്ക്കടക്കം കഞ്ചാവ് എത്തിച്ചു നല്കിയിരുന്ന യുവാക്കളാണ് പിടിയിലായത്. ജില്ലാ പൊലീസ് മേധാവിക്ക് ലഭിച്ച രഹസ്യ വിവരത്തെ തുടര്ന്ന് തിരുവല്ല ചിലങ്ക ജംഗ്ഷന് സമീപത്ത് നിന്നും 250 ഗ്രാം കഞ്ചാവുമായി ഇന്നലെ ഉച്ചകഴിഞ്ഞ് മൂന്നോടെ രതീഷാണ് ആദ്യം പ്രത്യേക സംഘത്തിന്റെ പിടിയിലായത്.
രതീഷില് നിന്നും ലഭിച്ച വിവരത്തിന്റെ അടിസ്ഥാനത്തിലാണ് കാല് കിലോഗ്രാം കഞ്ചാവുമായി കവിയൂര് സ്വദേശിയായ ജോഷിയെ സംഘം പിടികൂടിയത്. പ്രതികളെ ഇരുവരെയും തിരുവല്ല പോലീസിന് കൈമാറി. പിടിയിലായ ഇരുവരും കഞ്ചാവ് മാഫിയയുടെ കണ്ണികളാണെന്ന് പോലീസ് പറഞ്ഞു. പ്രതികളെ കോടതിയില് ഹാജരാക്കിയ ശേഷം റിമാന്ഡ് ചെയ്തു.
